இந்திய கடலோர காவல் படையில் வேலை.. ரூ.56,000 சம்பளம்.. டிகிரி முடித்தவர்களும் விண்ணப்பிக்கலாம்

சென்னை: இந்திய கடலோர காவல்படையில் காலிப்பணியிடங்கள் அறிவிக்கப்பட்டுள்ளது. ஜெனரல் டியூட்டி மற்றும், டெக்னிக்கல் பொறியாளர் பணியிடம் என மொத்தம் 70 காலிப்பணியிடங்களை நிரப்புவதற்கான அறிவிப்பு வெளியாகி உள்ளது.

இந்திய கடலோர காவல் படையில் காலியாக உள்ள 70 பணியிடங்களை நிரப்புவதற்கான அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம். கல்வி தகுதி, வயது வரம்பு உள்ளிட்ட விவரங்களை இங்கே பார்க்கலாம்.

பணியிடங்கள் விவரம்:
ஜெனரல் டியூட்டி (GD) - 50
டெக்னிக்கல் பொறியாளர் (பொறியாளர் / எலக்ட்ரிக்கல் ) - 20
என மொத்தம் 70 பணியிடங்கள் நிரப்பப்படுகின்றன.

கல்வி தகுதி: ஜெனரல் டியூட்டி பணிக்கு அங்கீகரிக்கப்பட்ட கல்வி நிறுவனத்தில் இருந்து டிகிரி முடித்து இருக்க வேண்டும். 60 சதவிகித மதிப்பெண்களுடன் தேர்ச்சி அவசியம். 12 வகுப்பு வரை கணிதம் மற்றும் இயற்பியல் பாடங்களை படித்து இருக்க வேண்டும். கணிதம் மற்றும் இயற்பியல் பாடத்தில் குறைந்தது 55 சதவிகித மதிப்பெண்கள் பெற்றிருக்க வேண்டும். டிப்ளமோ முடித்து டிகிரி படித்தவர்களும் விண்ணப்பிக்கலாம்.

டெக்னிக்கல் (மெக்கானிக்கல்) மற்றும் எலக்ட்ரிக்கல், எலக்ட்ரானிக்ஸ் ஆகிய பணியிடங்களுக்கு விண்ணப்பிக்க விரும்புபவர்கள் துறைசார்ந்த பிரிவில் என்ஜினியரிங் படிப்பு முடித்து இருக்க வேண்டும். கல்வி தகுதி குறித்த முழுமையான விவரங்களை தேர்வு அறிவிப்பில் தெரிந்து கொள்ளலாம்.

வயது வரம்பு: 21 வயது நிரம்பியவர்களும் 25-க்கு வயதுக்கு மிகாதவர்களும் விண்ணப்பிக்கலாம். அதாவது 01.07.1999 & 30.6.2003 ஆகிய ஆண்டுகளுக்குள் பிறந்தவர்கள் விண்ணப்பிக்கலாம். கடலோர காவல் படையில் பணியாற்றுபவர்களுக்கு 5 ஆண்டுகள் வயது வரம்பில் சலுகை உண்டு.

சம்பள விவரம்:
ஜெனரல் டியூட்டி (ஜிடி) - ரூ.56,100/-
டெக்னிக்கல் (மெக்கானிக்கல்) - ரூ.56,100/-
டெக்னிக்கல் (எலக்ட்ரிக்கல்/ எலக்ட்ரானிக்ஸ்) - ரூ.56,100/-
அரசு விதிகளின் படி இதர சலுகைகளும் கிடைக்கும்.

விண்ணப்பிப்பது எப்படி?:
கணிணி வழி தேர்வு , CCBT தேர்வு, சான்றிதழ் சரிபார்ப்பு, மருத்துவ சரிபார்ப்பு உள்ளிட்ட தேர்வுகள் மூலம் தகுதியான விண்ணப்பதாரர்கள் தேர்வு செய்யப்படுவார்கள். இது குறித்த விவரங்கள் தேர்வு அறிவிப்பில் தெளிவாக கொடுக்கப்பட்டுள்ளது. தகுதியும் ஆர்வமும் உள்ள விண்ணப்பதாரர்கள் ஆன்லைன் மூலமாக விண்ணப்பிக்க வேண்டும்.

விண்ணப்ப கட்டணம்: விண்ணப்ப கட்டணமாக ரூ.300 செலுத்த வேண்டும். பட்டியலினம்/பழங்குடியினத்தவர்கள் மற்றும் மாற்றுத்திறனாளிகளுக்கு கட்டணம் கிடையாது. விண்ணப்பிக்க வரும் 06.03.2024 கடைசி நாளாகும். தேர்வு அறிவிப்பினை படிக்க https://joinindiancoastguard.cdac.in/cgcat/assets/img/news/Advertisement_for_Asst_Comdt_2025_Batch.pdf இங்கே கிளிக் செய்யவும்.

English summary

Indian Coast Guard has released a notification to fill 70 vacancies. Who can apply for these posts. Details including educational qualification, age limit can be seen here.