நெய்வேலி நிலக்கரி சுரங்கத்தில் வேலை.. 632 பணியிடங்கள்.. என்ஜினியரிங் முடித்தவர்கள் விண்ணப்பிக்கலாம்

சென்னை: மத்திய அரசின் பொதுத்துறை நிறுவனங்களில் ஒன்றான நெய்வேலி நிலக்கரி சுரங்கத்தில் 632 பயிற்சி பணியிடங்களை நிரப்புவதற்கான அறிவிப்பு வெளியாகியுள்ளது. இதற்கான கல்வித்தகுதி, வயதுவரம்பு என்ன என்பதை இங்கு விரிவாக பார்க்கலாம்.

கடலூர் மாவட்டம் நெய்வேலியில் நிலக்கரி சுரங்கம் செயல்பட்டு வருகிறது. என்.எல்.சி எனப்படும் இந்த நிலக்கரி சுரங்கம் மத்திய அரசின் பொதுத்துறை நிறுவனங்களில் ஒன்றாகும். இந்த நிலக்கரி சுரங்கத்தில் 632- பயிற்சி பணியிடங்களை நிரப்புவதற்கான அறிவிப்பு வெளியாகியுள்ளது. இதற்கான கல்வி தகுதி, வயது வரம்பு, நிபந்தனைகள் உள்ளிட்ட விவரங்களை பார்க்கலாம்.

பணியிடங்கள் விவரம்:
மெக்கானிக்கல் என்ஜினியரிங்: 75
எலக்ட்ரிக்கல் என்ஜினியரிங்: 78
சிவில் என்ஜினியரிங்: 27
இன்ஸ்ட்ரமண்டேஷன் என்ஜினியரிங்: 15
கெமிக்கல் என்ஜினியரிங்: 27

மைனிங் என்ஜினியரிங்: 44
கம்ப்யூட்டர் சயின்ஸ் என்ஜினியரிங் - 47
எலக்ரானிக்ஸ் & கம்யூனிகேஷன் என்ஜினியரிங்- 05
பார்மசி - 14
டெக்னிஷியன் (டிப்ளமோ) அப்ரண்டீஸ்
மெக்கானிக்கல் என்ஜினியரிங்: 95
எலக்ட்ரிக்கல் என்ஜினியரிங்: 94

சிவில் என்ஜினியரிங் - 49
இன்ஸ்ட்ருமண்டேஷன் என்ஜினியரிங்: 09
மைனிங் என் ஜினியரிங்: 25
கம்ப்யூட்டர் சயின்ஸ் என் ஜினியரிங்: 38
எலக்ட்ரானிக்ஸ் & கம்யூனிகேஷன் என்ஜினியரிங்: 08
என மொத்தம் 632 பணியிடங்கள் நிரப்பபடுகின்றன.

கல்வி தகுதி: இந்த அப்ரண்டீஸ் பயிற்சி பணியிடங்களுக்கு விண்ணப்பிக்க விரும்பும் விண்ணப்பதாரர்கள் துறை சார்ந்த பிரிவில் என்ஜினியரிங் பட்ட படிப்பு முடித்து இருக்க வேண்டும். அதேபோல், டிப்ளமோ பிரிவிலும் இதே தகுதி அவசியம். கல்வி தகுதி குறித்த முழுமையான விவரங்களை என்.எல்.சி அறிவிப்பில் தெரிந்து கொள்ளலாம்.

தேர்வு முறை: விண்ணப்பங்கள் பரிசீலிக்கப்பட்டு டிகிரி மற்றும் டிப்ளமோ பிரிவில் பெற்ற மதிப்பெண்கள் அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். தேர்வு செய்யப்பட்ட விண்ணப்பதாரர்களின் பட்டியல் 19.2.2024 அன்று என்.எல்.எசி இணையதளத்தில் வெளியாகும்.

விண்ணப்பிப்பது எப்படி?: தகுதியும் ஆர்வமும் உள்ள விண்ணப்பதார்கள் என்.எல்.சி இணையதளம் வாயிலாக விண்ணப்பிக்கலாம். 18.01.2024 தொடங்கி 31.01.2024 - வரை விண்ணப்பிக்க அவகாசம் உள்ளது. இணையதளம் மூலமாக விண்ணப்பித்த பிறகு அதை பிரிண்ட் எடுத்து தபால் மூலம் கீழ் கண்ட முகவரிக்கு அனுப்ப வேண்டும்.

விண்ணப்பம் அனுப்ப வேண்டிய முகவரி:
The General Manager,
Learning and Development Centre,
N.L.C India Limited.
Neyveli – 607 803.

சம்பளம் எவ்வளவு?: தேர்வு செய்யப்படும் விண்ணப்பதாரர்களுக்கு ஓராண்டு மட்டுமே பயிற்சி காலம் ஆகும். பட்டப்படிப்பு தகுதிக்கு மாதம் 15028-ம், டிப்ளமோ தகுதிக்கு மாதம் ரூ.12,524ம் வழங்கப்படும். தேர்வு அறிவிப்பை படிக்க https://www.nlcindia.in/new_website/careers/NETADVERT%20-GAT%20&TAT-2023-24.pdf கிளிக் செய்யவும்.

English summary

Neyveli Coal Mine, one of the Public Sector Undertakings of the Central Government, has announced a notification for filling up 632 training posts. The educational qualification and age limit for this can be seen in detail here.