நெய்வேலி நிலக்கரி நிறுவனத்தில் வேலை.. 803 பணியிடங்கள்.. யாரெல்லாம் விண்ணப்பிக்கலாம்.. விவரம் இதோ

சென்னை: மத்திய அரசின் பொதுத்துறை மின் உற்பத்தி நிறுவனமான நெய்வேலி பழுப்பு நிலக்கரி நிறுவனத்தில் அப்ரண்டிஸ் பயிற்சி பணியிடங்களுக்கான அறிவிப்பு வெளியாகியுள்ளது. தேர்வு அறிவிப்பு மற்றும் யாரெல்லாம் விண்ணப்பிக்கலாம் உள்ளிட்ட விவரங்களை இங்கே பார்க்கலாம்.

கடலூர் மாவட்டம் நெய்வேலியில் என்.எல்.சி நிறுவனம் செயல்பட்டு வருகிறது. மத்திய அரசின் பொதுத்துறை நிறுவனங்களில் ஒன்றான என்.எல்.சியில் 803 அப்ரெண்டீஸ் பயிற்சி பணியிடங்களை நிரப்ப அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்கலாம்.. கல்வி தகுதி என்ன? வயது வரம்பு உள்ளிட்டவை குறித்து இங்கே பார்க்கலாம்.

பணியிடங்கள் விவரம்:
1. மெடிக்கல் லேப் டெக்னீசியன் - 04
2. ஃபிட்டர் - 125
3. டர்னர் - 50
4. மெக்கானிக் (மோட்டார் வாகனம்) - 122
5. எலக்ட்ரீசியன் - 172
6. வயர்மேன் - 124

7. மெக்கானிக் (டீசல்) - 10
8. மெக்கானிக் (டிராக்டர்) - 05
9. கார்பெண்டர் - 05
10. பிளம்பர் - 05
11. ஸ்டெனோகிராபர் - 20

12. கம்ப்யூட்டர் ஆபரேட்டர் மற்றும் புரோகிராமிங் உதவியாளர் - 122 என மொத்தம் 803 பணியிடங்கள் நிரப்பப்படுகின்றன.

கல்வி தகுதி: இந்த பணியிடங்களுக்கு 12 ஆம் வகுப்பு, ஐடிஐ முடித்தவர்கள் விண்ணப்பிக்கலாம். பணியின் தன்மைக்கேற்ப கல்வி தகுதி மாறுபடும். மெடிக்கல் லேப் டெக்னிஷியன் பணிக்கு 12 ஆம் வகுப்பு தேர்ச்சி ( பயலாஜி/ சயின்ஸ் குரூப்) பெற்றிருக்க வேண்டும். இதர பணியிடங்களுக்கு சம்பந்தப்பட்ட பிரிவில் தொழிற்பயிற்சி (ஐடிஐ) முடித்து இருக்க வேண்டும். இது பற்றிய விவரங்களை கீழே கொடுக்கப்பட்டுள்ள தேர்வு அறிவிப்பில் தேர்வர்கள் தெரிந்து கொள்ளலாம்.

சம்பளம் எவ்வளவு?: இந்த பணியிடங்களுக்கு விண்ணப்பிக்க விரும்புவர்கள் 14 வயதுக்கு மேற்பட்டவராக இருத்தல் அவசியம். சம்பளத்தை பொறுத்தவரை மாதம் ரூ.10,019/ வழங்கப்படும். இது முற்றிலும் ஒப்பந்த அடிப்படையிலானது. பயிற்சி காலம் ஓராண்டு ஆகும்.

தேர்வு முறை: மெரிட் அடிப்படையில் தகுதியான தேர்வர்கள் தேர்வு செய்யப்படுவார்கள். அதாவது, அதிகபட்ச மதிப்பெண்கள் லிஸ்ட் தயார் செய்யப்பட்டு அதன் அடிப்படையில் விண்ணப்பதாரர்கள் சான்றிதழ் சரிபார்ப்புக்கு அழைக்கப்படுவார்கள். அதன்பிறகு பயிற்சி பணியிடத்தில் சேர்த்துக்கொள்ளப்படுவார்கள்.

எப்படி விண்ணப்பிப்பது?: தேர்வுக்கு https://www.nlcindia.in என்ற இணையதளம் வாயிலாக விண்னப்பிக்க வேண்டும். விண்ணப்பிக்க வரும் 06.11.2024- கடைசி நாளாகும். ஆன்லைனில் விண்ணப்பித்த பின்னர் அதனை பிரிண்ட் எடுத்து தேவையான ஆவணங்களின் நகல்களுடன் கீழ்காணும் அஞ்சல் முகவரிக்கு தபாலில் அனுப்ப வேண்டும்.

ஆன்லைன் விண்ணப்ப நகலை அனுப்ப வேண்டிய முகவரி:
Office of The General Manager,
Learning and Development Centre,
Block-20, NLC India Limited.
Neyveli - 607 803.

தேர்வு அறிவிப்பினை படிக்க: https://www.nlcindia.in/new_website/careers/TA_Adv_22102024.pdf

English summary

Neyveli Brown Coal Company, a public sector power generation company of the central government, has released a notification for Apprentice training posts. Check here the details including exam notification and who can apply.