நோ எக்ஸாம்.. மாதம் ரூ.70,000 ஊதியம்! அழைக்கும் என்எப்எஸ்யூ.. சென்னையிலும் பணி வாய்ப்பு! ரெடியா?

சென்னை: தேசிய தடய அறிவியல் பல்கலைக்கழகத்தில் காலியாக உள்ள சயின்டிபிக் அசிஸ்டென்ட் பணியிடங்கள் நிரப்பப்பட உள்ளது. இந்த பணிக்கு தேர்வாகும் நபர்களுக்கு மாதம் ரூ.70 ஆயிரம் வரை சம்பளம் வழங்கப்பட உள்ளது.

மத்திய உள்துறை அமைச்சகத்தின் கட்டுப்பாட்டில் என்எப்எஸ்யூ (NFSU) எனும் தேசிய தடய அறிவியல் பல்கலைக்கழகம் (National Forensic Sciences University)செயல்பட்டு வருகிறது.

இந்த பல்கலைக்கழகம் என்பது மத்திய அரசின் கட்டுப்பாட்டில் இயங்கும் உளவுத்துறை, அமலாக்கத்துறை உள்பட பல்வேறு விசாரணை அமைப்புகளுக்கு உதவியும் செய்து வருகிறது.

இந்நிலையில் தேசிய தடய அறிவியல் பல்கலைக்கழகத்தில் காலியாக உள்ள சயின்டிபிக் அசிஸ்டென்ட் (Scientific Assistant ) பணியிடங்கள் நிரப்பபட உள்ளது. இந்த பணிக்கு மொத்தம் 7 பேர் தேர்வு செய்யப்பட உள்ளனர். இத்கான அதிகாரப்பூர்வ அறிவிப்பு வெளியாகி உள்ளது. அதன் விபரம் வருமாறு:

இந்த பணிக்கு விண்ணப்பம் செய்வோர் எம்டெக், எம்இ, எம்எஸ்சி, எம்சிஏ ஆகிய படிப்புகளை டிஜிட்டல் பாரின்சிக் அல்லது கம்ப்யூட்டர் சயின்ஸ் அல்லது சைபர் செக்யூரிட்டி அல்லது இன்பர்மேஷன் டெக்னாலஜி அல்லது அதற்கு நிகரான பிரிவில் முடித்திருக்க வேண்டும். இல்லாவிட்டால் பிஇ, பிடெக், பிஎஸ்சி, பிசிஏ உள்ளிட்ட பிரிவுகளில் மேற்கூறிய படிப்புகளை படித்து 2 ஆண்டு பணி அனுபவம் கொண்டிருக்க வேண்டும்.

விண்ணப்பம் செய்வோர் 35 வயதுக்குள் இருக்க வேண்டும். சயின்டிபிக் அசிஸ்டென்ட் பணிக்கு மாதம் ரூ.70 ஆயிரம் ஊதியமாக வழங்கப்படும். தகுதி மற்றும் விருப்பம் உள்ளவர்கள் www.nfsu.ac.in எனும் இணையதளம் சென்று ஆன்லைனில் விண்ணப்பம் செய்ய வேண்டும். விண்ணப்பம் செய்ய நவம்பர் 24ம் தேதி கடைசி நாளாகும். அன்றைய தினம் மாலை 6 மணிக்குள் விண்ணப்பம் செய்ய வேண்டும்.

இவ்வாறு விண்ணப்பம் செய்வோர் ஷார்ட்லிஸ்ட் செய்யப்பட்டு நேர்க்காணலுக்கு அழைக்கப்படுவார்கள். நேர்க்காணலில் சிறப்பாக செயல்படுவோர் பணி நியமனம் செய்யப்படுவார்கள். இது ஒரு தற்காலிக பணியாகும். தேர்வாகும் நபர்கள் டெல்லி, சண்டிகர், மகாராஷ்டிராவின் மும்பை, குஜராத் காந்தி நகர், தமிழ்நாட்டில் சென்னை, மேற்கு வங்காளத்தில் கொல்கத்தா ஆகிய நகரங்களில் பணியமர்த்தப்படுவார்கள். ஏதேனும் சந்தேகம் இருப்பின் [email protected] எனும் இ-மெயிலை தொடர்பு கொள்ளலாம்.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

NFSU Recruitment 2023:National Forensic Sciences University is going to fill the vacant posts of Scientific Assistant. The candidates selected for this job will be given a monthly salary of up to Rs.70 thousands.