நர்சிங் முடித்தவர்களுக்கு செம ஜாப்! மாதம் ரூ.25,000 சம்பளம்.. எக்ஸாம் கிடையாது.. முழு விவரம்

மதுரை: மதுரை மாவட்ட சுகாதாரத்துறையில் காலியாக உள்ள பணியிடங்களை நிரப்புவதற்கான அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம், கல்வித்தகுதி என்ன சம்பளம் எவ்வளவு உள்ளிட்ட விரங்களை இங்கே காணலாம்.

மதுரை மாவட்டத்தில் மருத்துவம் மற்றும் மக்கள் நலவாழ்வுத்துறையின் கீழ் உள்ள மாவட்ட நலவாழ்வு சங்கத்தில் 34 பணியிடங்களை நிரப்புவதற்கான அறிவிப்பு வெளியாகியுள்ளது. பார்மாசிஸ்ட், லேப் டெக்னிஷியன் உள்ளிட்ட பணியிடங்கள் நிரப்பப்படுகின்றன. இந்த பணியிடங்களுக்கு தேவையான கல்வி தகுதி, வயது வரம்பு உள்ளிட்ட விவரங்களை விரிவாக பார்க்கலாம்.

காலிப்பணியிடங்கள் விவரம்: நகர்புற சுகாதார மேலாளர் / பகுதி சுகாதார செவிலியர் (03), மருந்தாளுநர் (09 பணியிடங்கள்), லேப் டெக்னிஷியன் ( 14), பல்நோக்கு சுகாதார பணியாளர் (08) என மொத்தம் 34 பணியிடங்கள் நிரப்பப்படுகின்றன.

கல்வி தகுதி: நகர்புற சுகாதார மேலாளர் / பகுதி சுகாதார செவிலியர் பணியிடத்திற்கு எம்.எஸ்.சி நர்சிங் முடித்து இருக்க வேண்டும். பார்மாசிஸ்ட் பணிக்கு துறை சார்ந்த பிரிவில் டிப்ளமோ அல்லது டிகிரி முடித்து இருக்க வேண்டும். தமிழ்நாடு பார்மாசிஸ்ட் கவுன்சிலில் கண்டிப்பாக பதிவு செய்து இருக்க வேண்டும்.

லேப் டெக்னிஷியன் பணிக்கு பிளஸ் 2 முடித்து இருக்க வேண்டும். அதோடு மெடிக்கல் லேப் டெக்னாலஜி பிரிவில் ஒரு ஆண்டு சான்றிதழ் படிப்பு முடித்து இருக்க வேண்டும். பல்நோக்கு சுகாதார பணியாளர் பணியிடத்திற்கு 8 ஆம் வகுப்பு முடித்து இருக்க வேண்டும்.

வயது வரம்பு: வயது வரம்பை பொறுத்தவரை பல்நோக்கு சுகாதார பணியாளர் பணியிடத்திற்கு 40 வயதுக்கு மேல் உள்ளவர்கள் விண்ணப்பிக்க முடியாது. பிற பணியிடங்களுக்கு அதிகபட்ச வயது வரம்பு 35 ஆகும்.

சம்பளம் எவ்வளவு?: சம்பளத்தை பொறுத்தவரை நகர்புற சுகாதார மேலாளர் / பகுதி சுகாதார செவிலியர் பணிக்கு மாதம் ரூ. 25,500-ம், மருந்தாளுநர் பணிக்கு ரூ.15,000 /, லேப் டெக்னிஷியன் பணிக்கு ரூ.13,000/, பல்நோக்கு சுகாதார பணியாளர் பணிக்கு மாதம் ரூ.8,500 ம் சம்பளமாக வழங்கப்படும். இது முற்றிலும் ஒப்பந்த அடிப்படையிலான பணியாகும்.

விண்னப்பிப்பது எப்படி?: தபால் மூலமாக விண்ணப்பிக்க வேண்டும். விண்ணப்ப படிவத்தினை ஆன்லைனில் டவுன்லோடு செய்து கொள்ளலாம். தேவையான கல்வி தகுதி சான்றுகளில் நகல்களை இணைத்து விண்ணப்பிக்க வேண்டும்.

விண்ணப்பங்களை அனுப்ப வேண்டிய முகவரி:
செயற்செயலாளர், மாவட்ட நலவாழ்வு சங்கம் மற்றும் இயக்குனர் சுகாதார பணிகள்,
துணை இயக்குனர், சுகாதார பணிகள் அலுவலகம்,
விஸ்வநாதபுரம், மதுரை -625014

English summary

Madurai District Health Department has released a notification to fill the vacant posts. Who can apply for this, educational qualification and salary can be found here.