உச்ச நீதிமன்றத்தில் வேலை.. 90 பணியிடங்கள்.. யாரெல்லாம் விண்ணப்பிக்கலாம்? கல்வி தகுதி என்ன

டெல்லி: தலைநகர் டெல்லியில் உள்ள உச்ச நீதிமன்றத்தில் Law Clerk Research Associates Posts பணியிடங்களை நிரப்புவதற்கான அறிவிப்பு வெளியாகியுள்ளது. ஒப்பந்த அடிப்படையிலான இந்த பணிக்கு யாரெல்லாம் விண்ணப்பிக்கலாம், விண்ணப்பிக்க தேவையான கல்வி தகுதி என்ன என்பனவற்றை இங்கே பார்க்கலாம்.

உச்ச நீதிமன்றத்தில் காலியாக உள்ள சட்ட கிளர்க் - ஆராய்ச்சி இணை பதவி (Law Clerk Research Associates Posts) காலிப்பணியிடங்களை நிரப்புவதற்கான அறிவிப்பு வெளியாகியுள்ளது. மொத்தம் 90 பணியிடங்கள் நிரப்பப்படுகின்றன. இந்த பணியிடங்களுக்கு தேவையான கல்வி தகுதி, வயது வரம்பு, சம்பள விவரம் உள்ளிட்டவற்றை இங்கே விரிவாக பார்க்கலாம்.

கல்வி தகுதி: சட்ட எழுத்தர் பணிக்கு சட்டப்படிப்பு முடித்தவர்கள் விண்ணப்பிக்கலாம். ஐந்து ஆண்டுகள் கொண்ட ஒருங்கிணைந்த சட்டப்படிப்பில் இறுதி ஆண்டு அல்லது 3 ஆண்டுகள் கொண்ட சட்ட படிப்பில் இறுதி ஆண்டு படிப்பவர்களும் விண்ணப்பிக்கலாம். கல்வி தகுதி குறித்த முழுமையான விவரங்களை தேர்வர்கள் கீழே கொடுக்கப்பட்டுள்ள தேர்வு அறிவிப்பில் தெளிவாக பார்த்து தெரிந்து கொள்ளவும்.

வயது வரம்பு, சம்பளம்: 18 வயது முதல் 32 வயதுடையவர்கள் இந்த பணியிடங்களுக்கு விண்ணப்பிக்கலாம். அரசு விதிகளின் படி வயது வரம்பில் தளர்வுகளும் உண்டு. சம்பளத்தை பொறுத்தவரை 90 ஆயிரம் வரை வழங்கப்படும். இது முற்றிலும் ஒப்பந்த அடிப்படையிலான பணியாகும். அசைன்மெண்ட் காலம் 2024-2025 வரை இருக்கும்.

தேர்வு முறை: எழுத்து தேர்வு (Part I and Part II) மற்றும் நேர்முகத்தேர்வு அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். தேர்வு மையங்களை பொறுத்தவரை நாடு முழுவதும் 23 இடங்களில் தேர்வு நடைபெறும். பெங்களூர், போபால், புவனேஷ்வர், சண்டிகார், சென்னை, டேராடூன், டெல்லி, காந்திநகர், கவுகாத்தி, ஹைதராபாத்,இம்பால், ஜோத்பூர், கொல்கத்தா, லக்னோ,மும்பை, நாக்பூர், பாட்னா, புனே, ராய்பூர், ராஞ்சி, ஸ்ரீநகர், திருவனந்தபுரம், விசாகப்படினம் ஆகிய இடங்களில் தேர்வு நடைபெறும்.

விண்ணப்பிப்பது எப்படி? தேர்வர்கள் விண்ணப்பிக்கும் முன்பாக அதிகாரப்பூர்வ தேர்வு அறிவிப்பை நன்கு படித்து தெரிந்து கொள்ளவும். தகுதியும் ஆர்வமும் உள்ள விண்ணப்பதாரர்கள் ஆன்லைன் மூலமாக விண்ணப்பிக்கலாம். விண்ணப்ப கட்டணமாக ரூ.500 செலுத்த வேண்டும். 25.01.2024- 15.02.2024 வரை தேர்வர்கள் விண்ணப்பிக்கலாம். தேர்வு அறிவிப்பை படிக்க https://main.sci.gov.in/pdf/recruitment/24012024_113440.pdf என்ற இணையதளத்தை கிளிக் செய்யவும். தேர்வுக்கு விண்ணப்பிக்க https://jobapply.in/supremeCourtLawClerk2024/ என்ற இணையதளத்தை கிளிக் செய்யவும்.

English summary

The notification has been released for the recruitment of Law Clerk Research Associates Posts in the Supreme Court in the capital Delhi. Here you can see who can apply for this contract based job and what is the educational qualification required to apply.