தமிழ்நாடு மெர்க்கண்டைல் வங்கியில் சிறப்பு அதிகாரி பணியிடங்கள்.. யாரெல்லாம் விண்ணப்பிக்க முடியும்

சென்னை: தமிழ்நாடு மெர்க்கண்டைல் வங்கியில் காலியாக உள்ள சிறப்பு அதிகாரிகள் (ஐடி) பணியிடங்களை நிரப்ப அறிவிப்பு வெளியாகியுள்ளது. இந்த பணியிடங்களுக்கு யாரெல்லாம் விண்ணப்பிக்க முடியும், கல்வித்தகுதி என்ன, வயது வரம்பு எவ்வளவு என்பது போன்ற விவரங்களை இங்கே பார்க்கலாம்.

தமிழ்நாட்டின் தூத்துக்குடி மாவட்டத்தினை தலைமையிடமாக கொண்டு தமிழ்நாடு மெர்க்கண்டைல் வங்கி செயல்பட்டு வருகிறது. இந்த வங்கியில் ஏற்படும் காலிப்பணியிடங்கள் உரிய அறிவிப்பு வெளியிடப்பட்டு நிரப்பப்படுகிறது. அந்த வகையில் தற்போது தமிழ்நாடு மெர்க்கண்டைல் வங்கியில் காலியாக உள்ள சிறப்பு அதிகாரிகள் (ஐடி) பணியிடங்களை நிரப்ப அறிவிப்பு வெளியாகியுள்ளது. இந்த பணியிடங்களுக்கு விண்ணப்பிப்பது எப்படி? கல்வி தகுதி என்ன? என்பது பற்றிய விவரங்களை பார்க்கலாம்

பணியிடங்கள் விவரம்:

ஐடி இன்ப்ராக்ஷ்டர் எக்ஸ்கியூட்டிவ், ஐடி தொழில்நுட்ப நிர்வாகி, சாப்ட் டெவலப்பர், சிஸ்டம்/ சர்வர் எக்ஸ்கியூட்டிவ், சிபிஎஸ் சப்போர் என்ஜினியர், டேடா சயிண்டிஸ்ட், தரவு ஆய்வாளர், வணிக அனலிஸ்ட் உள்ளிட்ட பணியிடங்களை நிரப்ப அறிவிப்பு வெளியாகி உள்ளது.

கல்வி தகுதி: பணியின் தன்மைகேற்ப கல்வி தகுதி கோரப்பட்டுள்ளது. ஐடி இன்ப்ராஸ்ட்ரக்ஷர் பணிக்கு பி இ/ பிடெக்,/ எம்.சி.ஏ அல்லது அதற்கு இணையான படிப்பு முடித்து இருக்க வேண்டும். சர்வர் மெயிண்டனிங்க், டேடாபேஸ் உள்ளிட்டவற்றில் 12 ஆண்டுகள் அனுபவம் இருத்தல் அவசியம். பிசினஸ் அனலிஸ்ட் பணிக்கு கம்ப்யூட்டர் சயின்ஸ் , அக்கவுண்டிங், பிசினஸ் அட்மினிஸ்ட்ரேஷன், ஃபைனான்ஸ், எகனாமிக்ஸ் அல்லது அது தொடர்பான பிரிவுகளில் பட்டம் பெற்று இருக்க வேண்டும்.

சம்பந்தப்பட்ட பிரிவில் 3 ஆண்டுகள் பணி அனுபவம் அவசியம். டேடா அனலிஸ்ட் பணிக்கு முதுகலை பட்டம் அல்லது கம்ப்யூட்டர் சயின்ஸ் பிரிவில் பி.எச்.டி முடித்து இருக்க வேண்டும். வங்கி அல்லது நிதி சார்ந்த நிறுவனத்தில் 3 ஆண்டுகள் பணி அனுபவம் அவசியம். கல்வி தகுதி குறித்த முழு விவரங்கள் கீழே உள்ள தேர்வு அறிவிப்பில் கொடுக்கப்பட்டுள்ளது.

வயது வரம்பு: பணியிடங்களுக்கு தகுந்தபடி வயது வரம்பு மாறுபடும். குறைந்தபட்சம் 21 வயது முதல் அதிபட்சம் 40 வயது வரை சில பணியிடங்களுக்கு நிர்ணயிக்கப்பட்டுள்ளது. சாப்ட்வேர் டெவலப்பர் பணிக்கு 35 வயதுக்கு மிகாமல் இருக்க வேண்டும்.

விண்ணப்பிப்பது எப்படி?: ஆர்வமும் தகுதியும் உள்ளவர்கள் தேர்வு அறிவிப்பினை ஒருமுறை நன்கு படித்து தெரிந்து கொண்ட பின்னர் விண்ணப்பிக்க அறிவுறுத்தப்படுகிறார்கள். https://www.tmbnet.in/tmb_careers/ என்ற இணையதளம் வாயிலாக விண்ணப்பிக்க வேண்டும். தேர்வுக்கட்டணம் கிடையாது. விண்ணப்பிக்க வரும் 15.01.2025 கடைசி நாளாகும்.

தேர்வு அறிவிப்பினை படிக்க: https://www.tmbnet.in/tmb_careers/doc/ADV_ITSPCL20242502.pdf

தேர்வு முறை: தேர்வு முறையை பொறுத்தவரை தகுதியான விண்ணப்பங்கள் பரிசீலிக்கப்பட்டு நேர்முகத்தேர்வுக்கு அழைக்கப்படுவார்கள். நேர்முகத்தேர்வில் பெறும் மதிப்பெண்கள் அடிப்படையில் தேர்வர்கள் தேர்வர்கள் தேர்வு செய்யப்படுவார்கள்.

English summary

Tamil Nadu Mercantile Bank has released a notification to fill the vacant posts of Special Officers (IT). Details like who can apply for these posts, what is the educational qualification, and what is the age limit can be seen here.