உங்கள் சம்பளம் அடியோடு குறையும்.. அமலுக்கு வந்த புதிய சட்டம்.. சங்கங்கள் கடும் எதிர்ப்பு.. பின்னணி

சென்னை: மத்திய அரசின் நான்கு புதிய தொழிலாளர் சட்டங்கள் நவம்பர் 21 முதல் அமலுக்கு வந்த நிலையில், தமிழகத்தில் உள்ள அமைப்புசாரா தொழிலாளர் அமைப்புகள் தொடர்ந்து எதிர்ப்புகளைத் தெரிவித்து வருகின்றன. தமிழ்நாட்டில் இந்த 4 சட்டங்களில் 3 சட்டங்கள் அமலுக்கு வருவதற்கான பணிகள் நடக்கின்றன .

இந்தியாவின் நான்கு புதிய தொழிலாளர் சட்டங்களுக்கான விதிகளை மத்திய மற்றும் மாநில அரசுகள் பல்வேறு கட்டங்களில் நடைமுறைப்படுத்தி வருகின்றன. மேற்கு வங்கம் வரைவு விதிகளை முன்கூட்டியே வெளியிடுவதற்கு எதிர்ப்பு தெரிவித்துள்ள நிலையில், தமிழ்நாடு, டெல்லி மற்றும் லட்சத்தீவு ஆகிய பகுதிகள் விதிகள் இணக்கத்தின் பல்வேறு நிலைகளில் உள்ளன. தமிழ்நாட்டில் இந்த 4 சட்டங்களில் 3 சட்டங்கள் அமலுக்கு வரும் சூழல் உள்ளது.

டெல்லி நான்கு சட்டங்களில் ஒன்றான சமூகப் பாதுகாப்புச் சட்டத்தின் கீழ் வரைவு விதிகளை முன்கூட்டியே வெளியிட்டுள்ளது. அடுத்த சில மாதங்களில் எஞ்சிய விதிகளை முன்கூட்டியே வெளியிடும் என்று எதிர்பார்க்கப்படுகிறது.

இந்த நான்கு தொழிலாளர் சட்டங்களில், ஊதியக் குறியீடு, 2019, தொழில்துறை உறவுகள் குறியீடு, 2020, சமூக பாதுகாப்பு குறியீடு, 2020 மற்றும் தொழில் பாதுகாப்பு, சுகாதாரம் மற்றும் பணி நிலைமைகள் குறியீடு, 2020 ஆகியவை அடங்கும். இந்தச் சட்டங்கள் நவம்பர் 21, 2025 முதல் நடைமுறைக்கு வரும், தற்போதுள்ள 29 தொழிலாளர் சட்டங்களை இவை ஒழுங்குபடுத்தும்.

கடுமையான எதிர்ப்பு

பாதுகாப்பு அம்சங்களில் உள்ள குறைபாடுகள், நல வாரியங்களின் மறுசீரமைப்பு மற்றும் மாநிலத்தின் தற்போதைய நலத் திட்டங்கள் புதிய சட்டங்களின் கீழ் எவ்வாறு செயல்படும் என்பது குறித்த தெளிவின்மை போன்றவையே இவர்களது முக்கிய கவலைகளாகும்.

அமைப்புசாரா தொழிலாளர் கூட்டமைப்பு இதை கடுமையாக எதிர்த்து உள்ளது. புதிய ஜி.எஸ்.டி. அறிமுகப்படுத்தப்பட்ட பிறகு, பல தொழிலாளர் நல வரிகள் நிறுத்தப்பட்டதால், சில துறைகளில் உள்ள தொழிலாளர்களுக்கு இந்த புதிய சட்டங்கள் அறிமுகப்படுத்தப்படுவதற்கு முன்பே சிரமங்கள் தொடங்கிவிட்டன. "பீடி தொழிலாளர்களுக்கான வரியை எடுத்துக்கொள்ளுங்கள். பெரும்பாலானோர் வீட்டிலிருந்து வேலை செய்யும் பெண்கள். அவர்களுக்கு முன்பு சில உதவிகள் கிடைத்தன, ஆனால் ஜி.எஸ்.டி.யால் அது நின்றுவிட்டது என்று குற்றச்சாட்டுகளை வைக்கின்றன.

தொழில்சார் பாதுகாப்பு, சுகாதாரம் மற்றும் பணி நிலைமைகள் சட்டம் (Occupational Safety, Health and Working Conditions Code) ஒரு முக்கிய சர்ச்சைக்குரிய அம்சமாக உள்ளது. இந்த சட்டம் தற்போதுள்ள பாதுகாப்பு கட்டமைப்பை பலவீனப்படுத்துகிறது என்று தொழிலாளர் குழுக்கள் வாதிடுகின்றன. முன்னதாக, கட்டுமானத்தின் பல்வேறு நிலைகள் மற்றும் தொழிலுக்கு குறிப்பிட்ட அபாயங்களை உள்ளடக்கிய நூற்றுக்கும் மேற்பட்ட பாதுகாப்பு விதிகள் இருந்தன. இந்த குறிப்பிட்ட விதிகள் இல்லாமல், தொழிலாளர்களுக்கு தெளிவான அமலாக்க வழிமுறை இல்லை என்று அந்த அமைப்புகள் குற்றச்சாட்டுகள் வைக்கின்றன. விவசாயம், மீன்வளம் மற்றும் வீட்டு வேலைகள் உட்பட பல பெரிய அமைப்புசாரா துறைகள், புதிய பாதுகாப்பு விதிகளின் கீழ் வெளிப்படையான பாதுகாப்பு இல்லாமல் உள்ளன.

தமிழ்நாட்டில் அமலாகுமா?

தொழிலாளர் சட்டம் அமலுக்கு வர அதை மாநில அரசுகளும் ஏற்க வேண்டும்.. அதன் பின்னரே இந்த சட்டம் மாநிலங்களில் செயல்படத் தொடங்கும். விதிகளை இன்னும் அறிவிக்காத அல்லது முன்கூட்டியே வெளியிடாத மாநிலங்களுக்கு, அனைத்து சட்டங்களையும் அறிவித்த பிறகு 90 நாட்கள் ஆலோசனை செயல்முறை தொடங்கும்.

மேற்கு வங்கம் மட்டுமே இந்த செயல்முறையைத் தொடங்காத ஒரே மாநிலம் ஆகும். தமிழ்நாடு மூன்று சட்டங்களுக்கான விதிகளை வெளியிட்டுள்ளது, ஆனால் சமூகப் பாதுகாப்புச் சட்டம் தொடர்பான வேறுபாடுகளைத் தீர்க்க பேச்சுவார்த்தை நடந்து வருகிறது என்று அவர் மேலும் கூறினார். லட்சத்தீவின் வரைவு விதிகள் தயாராக உள்ளன, பொதுமக்களுக்கு வெளியிடுவதற்கு முன்பு நிர்வாகியின் ஒப்புதலுக்காக காத்திருக்கின்றன என்று அரசு வட்டார தகவல்கள் தெரிவிக்கின்றன.

English summary

Your salary will go down massively soon due the all 4 new sections of the labour law