அத மட்டும் எடுத்துட்டு மத்ததை அனுப்பு டியர்!

அந்த ராணுவ வீரனுக்கு காதலி ஒரு கடிதம் எழுதியிருந்தாள். அதில், ஸாரி டியர், நாம் நமது உறவை முறித்துக் கொள்வோம். என்னுடைய போட்டோவை எனக்கே திருப்பி அனுப்பி விடு என்று அதில் கூறியிருந்தாள்.

அதைப் படித்த ராணுவ வீரனுக்கு அப்செட் ஆகி விட்டது. இருந்தாலும் தனது காதலிக்கு டென்ஷனைக் கொடுக்க வேண்டும் என்பதற்காக ஒரு வேலையைச் செய்தான். இன்டர்நெட்டிலிருந்தும், தன்னிடமும் இருந்த பல்வேறு பெண்களின் போட்டோக்களை சேகரித்து அதை பார்சல் போல காதலிக்கு அனுப்பி வைத்தான். கூடவே ஒரு கடிதத்தையும்.

அந்தக் கடிதத்தில் ராணுவ வீரன் இப்படி எழுதியிருந்தான்... டியர் மேரி, இதில் உன்னுடைய போட்டோ எது என்று தெரியவில்லை. உன்னுடயதை மட்டும் நீ வைத்துக் கொண்டு மற்றவற்றை எனக்கு திருப்பி அனுப்பி விடு...