அம்பு இல்ல.. நீ பெரிய கடப்பாரையவே விட்டாலும் இவனுக கமிட் ஆக மாட்டானுங்க.. ஏன்னா அவனுங்க 90ஸ் கிட்ஸ்!

சென்னை : "பாவம்பா இந்த 90ஸ் கிட்ஸ்" என பரிதாபப்படும் அளவிற்கு, காதலர் தினத்தை வைத்து அவர்களை கலாய்த்து வருகின்றனர் நம் குறும்புக்கார நெட்டிசன்கள்.

காதல், திருமணம் என எந்தப் பேச்சு சமூகவலைதளப் பக்கங்களில் டிரெண்டிங்கானாலும், கூடவே இலவச இணைப்பாக திருமணமாகாத 90ஸ் கிட்ஸ்களும் வந்து ஒட்டிக் கொள்கிறார்கள். அவர்களது வெந்தப் புண்ணில் வேலைப் பாய்ச்சுவது மாதிரி, 'இன்னுமா உனக்கு கல்யாணம் ஆகல..", 'அட இன்னுமா உனக்கு காதல் வாய்க்கல..' என நேரில்தான் கேள்வியாகக் கேட்டு அவர்களைப் பாடாய் படுத்துகிறார்கள் என்றால், மீம்ஸ்களிலும் அவர்களை விட்டு வைப்பதில்லை.

இப்போதும் அப்படித்தான் நாளை காதலர் தினத்தைக் கோலாகலமாகக் கொண்டாட காதலர்கள் தயாராகி வரும் நிலையில், வழக்கம் போல் நம் பாவப்பட்ட மொரட்டு சிங்கிள்ஸ்களான 90ஸ் கிட்ஸ்களை சகட்டுமேனிக்கு மீம்ஸ் போட்டுக் கலாய்த்து வருகின்றனர்.

"அம்பு இல்ல.. நீ பெரிய கடப்பாரையவே விட்டாலும் இவனுக(90ஸ் கிட்ஸ்) கமிட் ஆக மாட்டானுங்க!" என்றும், "அதுல வந்து பாருங்க.. இந்தக் காதலர் தினம் வந்தாலே யாராவது ஒரு தோழி கால் பண்ண மாட்டாங்களானு மனசு ஏங்குது.." என்றும் விதவிதமாய் கலாய்த்து மீம்ஸ்களைப் பகிர்ந்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...