மத்த நாளெல்லாம் இதுக்கு பேரு காக்கா.. அமாவாசை அன்னைக்கு மட்டும் செத்துப்போன தாத்தா!

Published: Sunday, August 4, 2024, 12:40 [IST]

Subscribe to Oneindia Tamil

சென்னை: ஆடி அமாவாசை என்றாலே நம் குறும்புக்கார நெட்டிசன்கள், காக்காக்களின் மைண்ட்வாய்ஸ்கள் என மீம்ஸ்களைப் பகிர்ந்து அதகளம் செய்து விடுவார்கள். இதில், இந்த முறை ஆடி அமாவாசை ஞாயிற்றுக்கிழமையில் வர கேட்கவா வேண்டும்.. கலகலப்பான மீம்ஸ்களால் இணையத்தை சிரிக்க வைத்து வருகின்றனர்.

மற்ற நாட்களில் எல்லாம் மாடியில் காயப்போட்ட வத்தல், அரிசி, வடகம் என எதையாவது சாப்பிட வரும் காகங்களை குச்சியை எடுத்து, அடித்து விரட்டும் நம் மக்கள், அமாவாசை அன்று மட்டும் அந்த காகங்களை கா கா என அழைத்து, வடை பாயாசத்தோடு சாப்பாடு பரிமாறுவார்கள். அதுவும் அந்த காக்கா சாப்பிட்ட பிறகுதான், வீட்டில் இருக்கும் மற்றவர்கள் சாப்பிட வேண்டும் என்று வேறு கறாராக சொல்லி விடுவார்கள்.

மற்ற நாட்களில் எல்லாம் காக்காவாகத் தெரியும் அந்தக் காக்கா, அமாவாசையன்று மட்டும் நம் மூதாதையர்களாக தெரிகிறது என இதை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள். கூடவே, 'இப்படி ஒரே நேரத்தில் எல்லா வீடுகளில் இருந்தும் அழைத்தால், எந்த வீட்டுக்குச் சாப்பிடச் செல்வது' என அமாவாசை நாட்களில் காக்காக்களே கன்பியூஸ் ஆவதாகவும் கலாய்த்துள்ளனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான ஆடி அமாவாசை ஸ்பெஷல் மீம்ஸ்களின் தொகுப்பு உங்களுக்காக...