மே மாசம்னு நினைச்சு ஆகஸ்ட் மாசத்துல பொளந்து கட்டுது.. யாராவது நிறுத்த சொல்லுங்களேன்!

சென்னை: 'கடவுள் பாதி மிருகம் பாதி.. கலந்து செய்த கலவை நான்' என ஆளவந்தான் மாதிரி, வெயில் பாதி, மழை மீதி என கலந்து கட்டி அடித்து வருகிறது ஆகஸ்ட் மாதம். பிறகென்ன அதையே ஒரு கண்டெண்ட் ஆக்கி மீம்ஸ்களைப் பகிரத் தொடங்கி விட்டனர் நெட்டிசன்கள்.

வழக்கமாக ஆகஸ்ட் மாதத்தில் ஆடிக் காற்றில் அம்மியே பறக்கும் என்பார்கள். ஆனால் இந்தாண்டு ஆகஸ்ட்டோ காற்றையும் காயச் செய்யும் அளவிற்கு வெயில் பட்டையைக் கிளப்பி வருகிறது. தமிழகத்தின் பல மாவட்டங்களில் மே மாதத்திற்கு இணையாக ஆகஸ்ட் மாதத்தில் வெயில் கொளுத்தி வருகிறது. இதனால், 'யாராவது சூரியனுக்கு ஞாபகப் படுத்துங்களேன்.. இது மே மாசம் இல்லை.. ஆகஸ்ட் மாதம் என' என்று மீம்ஸ் போட்டு மக்கள் புலம்பி வருகின்றனர்.

மற்ற மாவட்டங்களில் இப்படி என்றால், சென்னையில் காலை முதல் மதியம் வரை வெயில், மாலையில் கொட்டித் தீர்க்கும் மழை என கலந்து கட்டி அடித்து வருகிறது. பகலில் வெயிலில் தலை காட்ட முடியவில்லை என்றால், மாலையில் மழையில் வெளியில் எங்கும் செல்ல முடிவதில்லை. எனவே வெயிலோடு, மழையையும் சேர்த்து கலந்து கட்டி மீம்ஸ்களாக்கி சமூகவலைதளப் பக்கங்களை கலகலக்க வைத்து வருகின்றனர் நெட்டிசன்கள்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collections on August month.