2023... அதுலயும் கல்யாணம், காட்சியெல்லாம் எதுவும் கிடையாது.. போய் வேற வேலையைப் பாரு!

சென்னை: இந்தப் புத்தாண்டிலாவது தங்களுக்கு திருமணம் நடக்குமா என்ற எதிர்பார்ப்பில் இருக்கும் 90ஸ் கிட்ஸ்களின் ஆசையில் மண்ணை அள்ளிப் போடுவது போல், மீம்ஸ்களைப் போட்டு கலாய்த்து வருகின்றனர் நெட்டிசன்கள்.

2022ம் ஆண்டு முடிந்து, 2023ம் ஆண்டு பிறக்க இன்னமும் ஒரு நாள் மட்டுமே உள்ளது. எப்போதுமே புத்தாண்டு பிறக்கிறது என்றால், கடந்த வருடத்தில் நிறைவேறாத தங்களது ஆசைகள் அந்தப் புத்தாண்டிலாவது நிறைவேற வேண்டும் என்ற ஆசையும், எதிர்பார்ப்பும் மக்களுக்கு நிச்சயம் இருக்கும்.

அந்தவகையில் எப்போதுமே மீம்ஸ்களுக்கு திகட்டாத கண்டெண்ட்டான 90ஸ் கிட்ஸ்களின் திருமணம், அடுத்தாண்டாவது நிறைவேறுமா என்றால், அதற்கு, 'வாய்ப்பில்லை ராசா... வாய்ப்பேயில்லை..' என மீம்ஸ் போட்டு கலாய்த்து வருகின்றனர் நெட்டிசன்கள்.

ஆனாலும் மனம் தளராமல், '2023ல் காதலி கிடைப்பாள்.. திருமணம் நடக்கும்' என 90ஸ் கிட்ஸ்கள் கனவு காண்பதாக கலாய்த்திருக்கும் மீம்ஸ்கள் வேற லெவல்.

இதோ அப்படியாக 90ஸ் கிட்ஸ்களின் திருமணத்தை வைத்து சமூகவலைதளங்களில் பகிரப்பட்டு வரும் சில நகைச்சுவையான மீம்ஸ்கள் உங்களுக்காக...

English summary

These are some funny memes collection on 90s kids and new year 2023