கொஞ்சம் பொறும்மா.. ஸ்கூல் பீஸ் கட்ட எல்லா நகையையும் எடுத்துக்கிட்டு இங்க தான வரணும்!

சென்னை: அட்சய திரிதியை முன்னிட்டு நகை வாங்கினால் செல்வம் பெருகும் என்ற விளம்பரங்களை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.

அட்சய திரிதியை அன்று தங்க நகை வாங்கினால் செல்வம் பெருகும் என்பது மக்களின் நம்பிக்கை. ஆனால், சமீபகாலமாக மக்களின் இந்த நம்பிக்கையை தங்களுக்கு சாதகமாக்கி, அனைத்து பொருட்களுக்குமே அட்சய திரிதியை ஆஃபரை வழங்குகின்றன வணிக நிறுவனங்கள். இதை நம்பி தள்ளுபடியில் கிடைக்கிறதே என பொருட்களை வாங்கும் மக்களுக்கு விழிப்புணர்வு ஏற்படுத்தும் வகையில், மீமர்களும் ஆண்டுதோறும் அட்சய திரிதியை ஸ்பெஷல் மீம்ஸ்களைப் பகிர மறப்பதில்லை.

அந்த வகையில் இன்றும் அட்சய திரிதியை ஸ்பெஷலாக விதவிதமான தங்க நகை பற்றிய மீம்ஸ்கள் இணையத்தில் பகிரப்பட்டு வருகின்றன. என்னதான் அட்சய திரிதியைக்கு நகை வாங்கினால் செல்வம் பெருகும் என நம்பி இன்று வாங்கினாலும், வீட்டுச் செலவுக்கு அடகுக்கு வைக்கும் ஒரு பொருளாகத்தான் நடுத்தர குடும்பங்களில் தங்கம் அங்கம் வகிக்கிறது என்பது மாதிரியான மீம்ஸ்கள் யதார்த்தமாக ரசிக்க வைக்கின்றன.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collections on akshaya tritiya and gold.