ஊருக்குள்ள நம்மளைத் தவிர.. மத்த எல்லாரும் இந்த டிரெண்ட்லதான் சுத்துறாய்ங்க போலயே!
சென்னை : சமூகவலைதளப் பக்கங்களில் எங்கு திரும்பினாலும் கிபிலி ஆர்ட் புகைப்படங்கள்தான் கண்ணில் படுகின்றன. பிறகு அதை வைத்து மீம்ஸ்களைப் பகிராமல் இருப்பார்களா நம் குறும்புக்கார நெட்டிசன்கள்.
இணையத்தில் ஏதாவது டிரெண்டிங்காக மாறினால், உடனே அதைக் கொண்டாடித் தீர்த்துவிட்டுத் தான் மறுவேலை பார்ப்பார்கள் நம் மக்கள். அந்தவகையில் தற்போது அவர்கள் கையில் சிக்கியிருப்பது கிபிலி ஆர்ட் புகைப்படங்கள். தங்களுக்குப் பிடித்த புகைப்படங்களையெல்லாம், சம்பந்தப்பட்ட ஏஐ ஆப்பில் கொடுத்து, அவற்றை கிபிலி புகைப்படங்களாக மாற்றி வருகின்றனர்.
அப்படி மாற்றிய புகைப்படங்களை தாங்கள் மட்டும் ரசித்தால் போதாது என அதனை சமூகவலைதளப் பக்கங்களிலும் பகிர்ந்து வருகின்றனர். சம்பந்தப்பட்ட ஆப்பில் வேலை செய்பவர்களே கதறும் அளவிற்கு மக்கள் புகைப்படங்களை பதிவேற்றம் செய்ய, மனிதர்களைப் போலவே அந்த ஆப்பும் கொஞ்சம் குழம்பித்தான் போனது. அதனால் மக்கள் பதிவேற்றம் செய்த புகைப்படங்களை அது கொஞ்சம் சொதப்பவும் செய்தது.
இப்படி அது சொதப்பிய புகைப்படங்களையும், நல்ல புகைப்படங்களையும் சேர்த்து வைத்து நகைச்சுவையான மீம்ஸ்களைப் பகிர்ந்து வருகின்றனர் சமூகவலைதளப் பக்கங்களில். "இங்க பாரு.. ஒழுங்கா பண்ணத் தெரிஞ்சா பண்ணு.. இல்லனா பேசாம இரு.. தப்புத்தப்பா பண்ணி அடி வாங்காத!" என செல்லமாக கிபிலியை மீம்ஸ்களில் திட்டவும் செய்துள்ளனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google