வாரமெல்லாம் காய்ச்சோறு.. சன்டே வந்தா கறிச்சோறு.. ஆனா, நமக்கு எப்பவுமே கஞ்சி சோறுதான்!

ஞாயிற்றுக்கிழமை சாப்பாடு பற்றிய ஜாலி மீம்ஸ்களின் தொகுப்பு.

Published: Sunday, June 26, 2022, 17:24 [IST]

Subscribe to Oneindia Tamil

சென்னை: ஞாயிற்றுக்கிழமையும் அதுவுமாக நம் வீட்டில் ரசம், சாம்பார் என இப்படி சொதப்பி விட்டார்களே என ஒரு குரூப் புலம்பிக் கொண்டிருக்க, பக்கத்து வீட்டில் ஓசி வாங்கியாவது இன்று கறிச்சோறு சாப்பிட்டே ஆவது என மற்றொரு குரூப் மீம்ஸ் போட்டு தங்களது ஆதங்கத்தைக் கொட்டி வருகின்றனர்.

வீட்டில் இருக்கும் நாளாவது வாய்க்கு ருசியாகச் சாப்பிடலாம் என வேலைக்குப் போகும் ஆண்கள் நினைக்க, இந்த ஒரு நாளாவது எளிதாக சமையல் வேலையை முடித்து விட்டு மற்ற வேலையைப் பார்க்கலாம் என வேலைக்குப் போகும் பெண்கள் நினைக்கிறார்கள் போலும். அதனால்தான் பல வீடுகளில் இன்று சாம்பாரும், ரசமும் தான் மெனு என்பது மீம்ஸ்கள் மூலம் தெரிகிறது.

நம் வீட்டில் சைவம் செய்துள்ள போது, பக்கத்து வீட்டில் கமகமவென அசைவம் செய்து, அந்த வாசனை நம் வீடு வரைக்கும் வரும் போது, ஏற்படுகிற 'வேதனை இருக்கே வேதனை..' என ஒரு சில மீம்ஸ்கள் புலம்பல் ரகம். ஒரு சிலர் பக்கத்து வீட்டில் குழம்பு ஓசி வாங்கி விடலாமா என்ற ரேஞ்சுக்கே யோசிக்க ஆரம்பித்து விட்டனர்.