ஒரு காலத்துல எப்டி இருந்த சிஎஸ்கே.. இப்போ ரெண்டு ரன்னு எடுத்தாலே கை தட்றானுங்களே!

சென்னை : மற்ற போட்டிகளுக்கே மீம்ஸ்களைத் தெறிக்க விடும் நம் நெட்டிசன்கள், மீம்ஸ்களுக்குப் பேர் போன சிஎஸ்கேவும், ஆர்சிபியும் நேருக்கு நேர் மோதும் போட்டி என்றால் சும்மா இருப்பார்களா? வழக்கம் போல் தங்கள் ஸ்டைலில் மீம்ஸ்களில் சிக்ஸர் அடித்து வருகின்றனர்.

இந்தமுறை எப்படியும் சிஎஸ்கே ப்ளே சுற்றுக்குச் செல்லாது என்பது ஏறக்குறைய உறுதியாகி விட்டது. ஆனால், டிராகன் பட டயலாக் மாதிரி, 'தோத்தாலும் அது எங்க அணிங்க' என சிஎஸ்கே ரசிகர்கள் விடாமல் தங்களது அணியினர் செய்யும் சின்னச் சின்ன செயல்களையும் சமூகவலைதளப் பக்கங்களில் பாராட்டி வருகின்றனர். ஆனால் அவர்களுக்கு நேர் எதிராக மற்ற அணி ரசிகர்கள் சிஎஸ்கேவை மீம்ஸ்களில் கலந்து கட்டி கலாய்த்து வருகின்றனர்.

போதாக்குறைக்கு, எப்போதும் ஐபிஎல் தொடரில் மீம்ஸ்களுக்கு வஞ்சமில்லாமல் கண்டெண்ட் அள்ளித் தரும் ஆர்சிபி இந்த முறை சிறப்பாக விளையாடி வர கேட்கவா வேண்டும். அதிலும் இன்றைக்கு சிஎஸ்கேவும், ஆர்சிபி நேரடியாக மோதி விளையாடி வருகிறது. சாதாரணமாகவே இந்த அணிகள் தனித்தனியாக விளையாடும் போதும் மீம்ஸ் மழை பொழிந்து விடும் மீமர்கள், இன்று சும்மா இருப்பார்களா? வழக்கம் போல் ஒவ்வொரு பந்திலும் சிஎஸ்கே வீரர்கள் சிக்ஸர் அடிக்கிறார்களோ இல்லையோ, இவர்கள் மீம்ஸ்களில் சிக்ஸர் அடித்து வருகின்றனர்.

"ஒரு காலத்துல எப்டி இருந்த சிஎஸ்கே.. இப்போ ரெண்டு ரன்னு எடுத்தாலே கை தட்றானுங்களே" என்றும், "எங்களுக்கு 6வது கப்பெல்லாம் வேணாம்.. நாங்க இப்டியே ரிடையர் ஆகிடுறோம்.. ப்ளீஸ் விட்ருங்க!" என்றும் மீம்ஸ்களில் தங்கள் ஆதங்கங்களை வெளிப்படுத்தி வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட ஐபிஎல் மீம்ஸ்களின் தொகுப்பு உங்களுக்காக...

English summary

These are some jolly memes Collection on IPL 2025.