Leo memes: அப்புறம் அந்த 19ம் தேதி லீவு தரேன்னு சொல்லி இருந்தீங்களே.. மறந்துட்டீங்களா கோபால்!

சென்னை: விஜய் நடித்த லியோ படம் நாளை ரிலீசாக இருப்பதால், இப்போதே மீம்ஸ் போட்டு தங்களது கொண்டாட்டத்தை ஆரம்பித்து விட்டனர் ரசிகர்கள்.

முன்னணி நடிகர்கள் படம் என்றாலே, படத்தின் முதல் அப்டேட்டில் இருந்து, படம் ரிலீசாகி வெற்றி விழா கொண்டாட்டம் வரை ரசிகர்கள் கொண்டாடித் தீர்த்து விடுவார்கள். சமூகவலைதளங்களில் விதவிதமான பட அப்டேட்டுகளைப் போட்டு, தங்களுக்கு பிடித்த நடிகர்களின் படங்களைக் கொண்டாடுவது என்றால் அவர்களுக்கு அது ஒரு திருவிழாதான்.

அந்தவகையில், லோகேஷ் கனகராஜின் இயக்கத்தில் விஜய் நடித்துள்ள லியோ படம் நாளை ரிலீசாக இருக்கிறது. பிறகென்ன டிக்கெட் புக்கிங் ஆரம்பித்ததில் இருந்து, எப்போது படத்தைப் பார்த்து முடிப்போம் என்ற ஆர்வத்தில் ரசிகர்கள் இருக்கிறார்கள் என்பது அவர்களது சமூகவலைதளப் பதிவுகளைப் பார்க்கும்போதே தெரிகிறது.

அதிலும் குறிப்பாக படம் மீதான தங்களது எதிர்பார்ப்பை அவர்கள் மீம்ஸ் போட்டு வித்தியாசமாக வெளிப்படுத்தி வருவது ரசிக்கும்படி உள்ளது. இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collection on Actor Vijay's Leo movie