ம்ஹூக்கும்.. ப்ரொபோஸ்லாம் எதுவும் வரல.. பேங்க்ல இருந்து கடனை கட்டச் சொல்லி மெசேஜ்தான் வந்துச்சு!

சென்னை : காதலர்கள் இன்னமும் காதலர் தினக் கொண்டாட்டத்தில் இருந்து வெளியில் வரவில்லை என்பது அவர்கள் பகிரும் காதல் மீம்ஸ்களைப் பார்த்தாலே புரிகிறது.

பிப்ரவரி மாதம் எப்போது வரும் எனக் காதலர்கள் ஏங்கிக் கிடக்கக் காரணமான காதலர் தினம் ஒருவழியாக நேற்று முடிந்து விட்டது. இந்த மாதத் தொடக்கத்தில் இருந்து காதலர்கள் காதலை ஒவ்வொரு பெயரில் கொண்டாடியது போலவே, மீமர்களும் மீம்ஸ்களில் கொண்டாடினர். சரி, இப்போது ஒரு வழியாக காதலர் தினம் முடிந்து விட்டது.. மீம்ஸ்களிலும் காதலர் தினத்தை மறந்து விடுவார்கள் என நினைத்தால், அதுதான் இல்லை என்கிறார்கள் நம் மீமர்கள்.

காதலர் தினம் முடிந்த பிறகும் காதலை வைத்தும், காதலர்களை வைத்தும் நகைச்சுவையான மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர். "ம்ஹூக்கும்.. ப்ரொபோஸ்லாம் எதுவும் வரல.. பேங்க்ல இருந்து கடனை கட்டச் சொல்லி மெசேஜ்தான் வந்துச்சு!" என இந்த வருடமும் காதலி கிடைக்காத விரக்தியில் ஒரு குரூப் மீம்ஸ்களைப் பகிர்ந்து வரும் நிலையில், "லவ்வர்ஸ் டேக்கு டீச்சர் லீவு தர மாட்டேனுட்டாங்க ப்ரோ.. லவ்வர் வேற கோவிச்சுக்கிட்டா!" என காதல் எந்தளவுக்கு பள்ளிகளில்கூட வேர் விட்டிருக்கிறது என மற்றொரு குரூப்பும் மீம்ஸ்களில் கலாய்த்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some funny memes collection on valentine's day celebrations.