லக்கிபாஸ்கர் மாதிரி என்கிட்டயும் சூப்பரா ஒரு ஐடியா இருக்கு டோலி.. ஆனா சுமதி மட்டும்தான் மிஸ்ஸிங்!
சென்னை : புஷ்பா 2 படம் திரையரங்குகளில் வசூல் சாதனை படைத்து வருவதாகக் கூறப்படும் நிலையில், வழக்கம் போல் தங்கள் ஸ்டைலில் அந்தப் படத்தை மீம்ஸ் வாயிலாக விமர்சனம் செய்து வருகின்றனர் நம் குறும்புக்கார நெட்டிசன்கள்.
எந்தவொரு புதுப்படம் வந்தாலும் அதைப் பற்றி நகைச்சுவையான மீம்ஸ்களைப் பகிர்வது சமீபகாலமாக அதிகரித்து வருகிறது. அந்தவகையில் கடந்த சில தினங்களுக்கு முன்பு வரை சூர்யாவின் கங்குவா படத்தை கலாய்த்துக் கொண்டிருந்தவர்கள், தற்போது தங்கள் பார்வையை புஷ்பா 2 பக்கம் திருப்பி இருக்கிறார்கள்.
"இன்னுமா உனக்கு அந்த தோள்பட்டை வலி சரியாகல..' என்பதில் ஆரம்பித்து, "2 கையையும், 2 காலையும் கட்டி போட்டாகூட.. க்ளைமேக்ஸ்ல சண்டை போடுவான் சார் இந்த புஷ்பா!" என விதவிதமாக, ரகரகமாக புஷ்பா2வைக் கலாய்த்துள்ளனர் சமூகவலைதளப் பக்கங்களில். சைடுகேப்பில் விமர்சனரீதியாகவும், வசூல்ரீதியாகவும் நல்ல வரவேற்பைப் பெற்ற லக்கி பாஸ்கர் படத்தையும் விட்டு வைக்கவில்லை.
"லக்கிபாஸ்கர் மாதிரி என்கிட்டயும் சூப்பரா ஒரு ஐடியா இருக்கு டோலி.. ஆனா சுமதி மட்டும்தான் மிஸ்ஸிங்.. உங்க நம்பர் தர்றீங்களா டோலி!" என அப்படத்தையும் தங்கள் ஸ்டைலில் மீம்ஸ்களாக்கி உள்ளனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான சினிமா பற்றிய மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google