“கண்மணி அன்போடு காதலன் நான்”.. கம்முனு இருடி இப்பத்தான் ரெண்டு நாளா மறந்து இருக்காங்க!

சென்னை: மஞ்சும்மல் பாய்ஸை மக்கள் கொஞ்சம் மறந்திருந்த நிலையில், திரும்பவும் மீம்ஸ் போட்டு அதனை டிரெண்டிங்காக்கி வருகின்றனர் நெட்டிசன்கள்.

நல்ல படம் ஒன்று கிடைத்தால் அதைக் கொண்டாடித் தீர்ப்பதும், மோசமான படம் என்றால் அதனைத் திட்டித் தீர்ப்பதும் நம் நெட்டிசன்களுக்கு மிகவும் பிடித்தமான வேலை. அந்தவகையில் இப்போது கேரளாவில் மட்டுமல்ல, தமிழகத்திலும் வெற்றிநடை போட்டு வரும் மஞ்சும்மல் பாய்ஸை தியேட்டர்களில் மட்டுமல்லாமல், சமூகவலைதளங்களிலும் மீம்ஸ்கள் மற்றும் ரீல்ஸ்கள் போட்டு கொண்டாடி வருகின்றனர் நெட்டிசன்கள்.

குணா குகைக்குள் விழுந்த சுபாஷை அவரது நண்பர்கள் காப்பாற்றத் துடிப்பது எமோஷனலாக இருந்தாலும், அந்தக் காட்சியை வைத்து இந்த நெட்டிசன்கள் உருவாக்கும் மீம்ஸ்கள் வயிறு வலிக்கச் சிரிக்க வைக்கின்றன. அதிலும் குறிப்பாக, குழிக்குள் விழுந்த நண்பனை காப்பாற்ற அவரது நண்பர்கள், 'டா சுபாஷு.. டா சுபாஷு' எனக் கதறும் காட்சிகள் தியேட்டரில் பார்வையாளர்களை கண்ணீர் விட வைக்கிறது என்றால், அதே 'டா சுபாஷு'வை வைத்து இவர்கள் பகிரும் மீம்ஸ்கள் சிரித்து, சிரித்து கண்களில் கண்ணீரை வரவழைக்கின்றன.

குழந்தைகள் முதல் பெரியவர்கள் வரை 'டா சுபாஷு' டயலாக்கால் கவரப்பட்டுள்ளனர் என்பது அவர்களது வீடியோக்கள் மற்றும் மீம்ஸ்களைப் பார்த்தாலே தெரிகிறது. கடந்த சில தினங்களாக மஞ்சும்மல் பாய்ஸை மறந்திருந்த மக்கள், தற்போது மீண்டும் மீம்ஸ்கள் வாயிலாக அதனை நினைவு படுத்தி வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட மஞ்சும்மல் பாய்ஸ் ஸ்பெஷல் மீம்ஸ்களின் தொகுப்பு உங்களுக்காக...

English summary

These are some jolly memes collections on manjummel boys movie.