ரெட் கலர் எல்லாம் எடுங்களேன்.. இனிமே மோனிகா தான்!
சென்னை: ரஜினிகாந்த் நடிப்பில், லோகேஷ் கனகராஜ் இயக்கத்தில் உருவாகி வரும் கூலி திரைப்படத்தின் இரண்டாவது சிங்கிள் "மோனிகா" பாடல் வெளிவந்த சில மணி நேரங்களிலேயே சமூக வலைதளங்களில் சூடுபிடித்துக் கொண்டிருக்கிறது.அனிருத் ரவிச்சந்தர் இசையில் வெளிவந்த இந்த பாடல், பூஜா ஹெக்டேவின் நடன அசைவுகள் மற்றும் சௌபின் ஷாஹீரின் எதிர்பாராத ஆட்டம் காரணமாக ரசிகர்களிடையே பரபரப்பை ஏற்படுத்தியுள்ளது.
கார்கோ ஷிப் செட்டில் எடுக்கப்பட்ட இந்த பாடல், யூடியூபில் 29 மில்லியன் பார்வைகளை தாண்டி சாதனை படைத்துள்ளது. ரெட் கலர் கவுனில் பூஜாவின் ஸ்டைலிஷ் நடனம் பாடலுக்கு பிரமாண்ட தோற்றத்தை கொடுக்க, சௌபினின் வித்தியாசமான மற்றும் எனெர்ஜியான நடன அசைவுகள் பாடலின் சிறப்பாக மாறியுள்ளன.
பாடல் வெளியானவுடன் ட்விட்டர், இன்ஸ்டாகிராம், பேஸ்புக் ஆகிய அனைத்திலும் மீம்ஸ் மழை பெய்து வருகிறது. இன்ஸ்டாவில் ரீல்ஸ் போடும் இன்ஃப்ளுயன்சர்களையே பல ரசிகர்கள் மீம்ஸ்களால் கலாய்த்து வருகின்றனர். பூஜாவின் நடனம் அருமையாக இருந்தாலும், சௌபின் தான் இந்த பாடலின் ஷோ ஸ்டீலர் என்று பலர் ட்விட்டரில் பதிவிட்டு வருகின்றனர். அதில் சில மீம்ஸ்கள் உங்களுக்காக..
Click it and Unblock the Notifications
Sign in with Google