போன தீபாவளிக்கு வாங்குனதே நிறைய இருக்கு.. அட பட்டாசு இல்லீங்க.. கடன்!
சென்னை : பணக்கஷ்டம், மனக்கஷ்டம் என எதுவாக இருந்தாலும், அதை, 'சிலர் சிரிப்பார்.. சிலர் அழுவார்.. நான் சிரித்துக் கொண்டே அழுகின்றேன்..' என சிரித்துக் கொண்டே மீம்ஸ்களாகப் பகிர்வதுதான் நம் நெட்டிசன்களின் வழக்கம். இப்போதும் அப்படித்தான் தீபாவளிக்கு இன்னும் ஒரு வாரமே உள்ள நிலையில், இன்னமும் கொண்டாட்ட மனநிலைக்கு வர கையில் பணமில்லையே என மீம்ஸ் போட்டு புலம்பி வருகின்றனர்.
தீபாவளி வந்து விட்டாலே குழந்தைகளுக்கு கொண்டாட்டமும், பெரியவர்களுக்கு பணத் திண்டாட்டமும் தானாக வந்து விடும். வீட்டில் பெரியவர்கள் கையில் பணம் இருக்கிறதா இல்லையா என்றெல்லாம் குழந்தைகள் யோசிக்க மாட்டார்கள். ஆனால் பெரியவர்கள் நிலைமை அப்படியில்லை. இப்போதும் பல வீடுகளில் போனசை நம்பியும், கடனை நம்பியும்தான் தீபாவளிக் கொண்டாட்டங்கள் காத்திருக்கின்றன.
இப்படி மனதிற்குள் ஆயிரத்தெட்டு பணப் பிரச்சினைகள் இருந்தாலும், அதையும் சிரித்துக் கொண்டே, மற்றவர்கள் ரசிக்கும்படி மீம்ஸ்களாகப் பகிர்வதெல்லாம் நம் நெட்டிசன்களுக்கு கை வந்த கலை. இப்போதும் அப்படித்தான், 'போன தீபாவளிக்கு வாங்குன கடனே இன்னும் நிறைய மீதி இருக்கிறது... அதற்குள் அடுத்த தீபாவளி வந்து விட்டதே' என மீம்ஸ் போட்டு புலம்பி வருகின்றனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான தீபாவளி ஸ்பெஷல் மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google