"தக்காளி" போல இருக்கீங்க! விலை ஏறிடுச்சு கடத்திட போறாங்க! தெறிக்கவிடும் நெட்டிசன்கள்! கலக்கல் மீம்ஸ்
சென்னை: தக்காளி விலை சில நாட்களில் கிடுகிடுவென உயர்ந்துள்ள நிலையில், தக்காளி விலை உயர்வை வைத்து நெட்டிசன்கள் பல மீம்களை தெறிக்கவிட்டு வருகின்றனர்.
இந்தியாவில் பெரும்பாலான உணவுகளைத் தக்காளியைப் பயன்படுத்தியே சமைப்பார்கள். சைவம் அல்லது அசைவம் என எதுவாக இருந்தாலும் தக்காளி ரொம்பவே முக்கியமாக இருக்கிறது. இதனால் அனைத்து வீடுகளிலும் தக்காளியைத் தவிர்க்க முடியாது.
இதனால் தக்காளி விலையும் ரொம்பவே முக்கியமானதாக இருக்கும். தக்காளி விலை சற்று உயர்ந்தாலும் கூட அது சமையலில் பெரிய மாற்றத்தை ஏற்படுத்தும். இதற்கிடையே தக்காளி விலை இப்போது உச்சம் தொட்டு வருகிறது.
விலை உயர்வு: தக்காளி வரத்து குறைந்துள்ள நிலையில், அதன் விலை தாறுமாறாக உயர்ந்து வருகிறது. சென்னை கோயம்பேடு சந்தையில் தக்காளி விலை சில நாட்களில் பல மடங்கு அதிகரித்துவிட்டது. கடந்த சில நாட்களுக்கு முன்பு அங்கே ரூ.40க்கு தக்காளி விற்பனை செய்யப்பட்டு வந்தது. அது ஜெட் வேகத்தில் எகிறி நேற்று ஒரு கிலோ ரூ.70ஆக உயர்ந்தது. இதற்கிடையே ஒரே நாளில் தக்காளி விலை பட்டென அதிகரித்து ரூ.100ஐ கடந்துள்ளது.
சென்னை கோயம்பேடு மார்க்கெட்டில் தினசரி 1200 டன் தக்காளி வரும். இருப்பினும், திடீரென பெய்த கோடை மழை உள்ளிட்ட பல காரணங்களால் தக்காளி வரத்து குறைந்துள்ளது. 1200க்கு பதில் இப்போது 700 டன் தக்காளி மட்டுமே கோயம்பேடு மார்கெட்டிற்கு வந்துள்ளது. தக்காளி விலை திடீரென மடமடவென உயர இதுவே காரணமாகச் சொல்லப்படுகிறது. சென்னை கோயம்பேட்டில் ஒரு கிலோ தக்காளி 100 ரூபாய்க்கு விற்கப்படும் நிலையில், புறநகர்ப் பகுதிகளில் 130 வரையிலும் கூட விற்பனை செய்யப்படுகிறது
மீம்கள்: இந்த மாதம் முழுக்க தக்காளி விலை இப்படியே இருக்கும் என வியாபாரிகள் தெரிவித்துள்ள நிலையில், இது பொதுமக்களிடம் கலக்கத்தை ஏற்படுத்தியுள்ளது. இதற்கிடையே தக்காளியை வைத்து இணையத்தில் பல டிரெண்டிங் மீம்களையும் நெட்டிசன்கள் தெறிக்கவிட்டு வருகின்றனர். பிரபல யூடியூப் சேனல் வீடியோவில் இருந்து ஒரு காட்சியை பகிர்ந்த நெட்டிசன், "தக்காளி தானே, விலை கம்மி என்று நினைத்து விடாதீர்கள். நான் கொஞ்சம் காஸ்ட்லி" என்று தெறிக்கவிட்டுள்ளார்.
அதேபோல தக்காளி, சிக்கன், மீன், சிலிண்டர் என அனைத்து அத்தியாவசிய பொருட்களின் விலையும் உயர்ந்து வருவதாகவும் இதேபோல நிலைமை சென்றால் ரொம்பவே மோசம் என மற்றொரு நெட்டிசன் பதிவிட்டுள்ளார்.
இதை வைத்து பெண் தோழிகளைக் கவரும் மீம்களையும் சிலர் உருவாக்கியுள்ளனர். வடிவேலு காட்சியைப் பகிர்ந்த நெட்டிசன், "தக்காளி கிலோ ₹100.. பாத்து சூதானமா இருங்க டோலி தக்காளினு நெனச்சு தூக்கிட்டு போயிட போராங்க.." எனப் பதிவிட்டுள்ளார்.
மற்றொருவர் தங்கம் விலை குறைவதாகச் சொல்கிறார்கள்.. ஆனால், தக்காளி விலையே வாங்க முடியாத அளவுக்கு அதிகரித்துள்ளதாகப் பதிவிட்டுள்ளார்.
தக்காளி விலை அதிகரித்துள்ளதால் தக்காளி சாதம் விலை சர்ரென ஏற தொடங்கும் என்கிறார் மற்றொரு நெட்டிசன்.
பொன்னியின் செல்வன் திரைப்படத்தில் வரும் அட்டகாசமான காதல் காட்சியில் தக்காளி விலையை நைசாக கோர்த்துவிட்டுள்ளார் இந்த நெட்டிசன்.
இது பழைய மீம் தான் என்றாலும் இப்போது மீண்டும் டிரெண்டாகிறது. அதாவது பெட்ரோல் விலையை ஓவர்டேக் செய்து தக்காளி செல்வதாகச் சிலர் பதிவிட்டுள்ளனர்.
Click it and Unblock the Notifications
Sign in with Google