ப்ளீஸ்.. சாம்பார்ல சிக்கன் மசாலா போட்டாவது இன்னைக்கு சாப்பிடலாம்ல?
சென்னை : ஒரு வழியாக புரட்டாசி மாதம் முடியப் போகிறதென்றாலும், இந்த ஞாயிறும் கறிச்சோறு சாப்பிட முடியவில்லையே என மீம்ஸ் போட்டு புலம்பி வருகின்றனர் சமூகவலைதளப் பக்கங்களில்.
தமிழ் மாதங்களிலேயே அசைவ உணவுப் பிரியர்களுக்குப் பிடிக்காத மாதமென்றால் அது புரட்டாசி மாதம்தான். அறிவியல் ரீதியாக புரட்டாசி மாதம் அசைவம் உண்ணக்கூடாது என்பதற்கு பல காரணங்கள் சொல்லப்பட்டாலும், ஒரு மாதம் அசைவம் சாப்பிடாமல் இருக்க வேண்டும் என்பது பிக் பாஸ் வீட்டில் தரப்படும் டாஸ்க்கைவிட பெரிய டாஸ்காகத்தான் அசைவ உணவுப் பிரியர்களுக்கு இருக்கிறது.
அதனால்தான், 'புரட்டாசி மாதத்தை புயல் வேகத்தில் கடக்க வேண்டும்.. இடையில் பாய் வீட்டுக் கல்யாணம் ஏதும் வந்து விடக்கூடாது' என ஆரம்பத்திலேயே வேண்டத் தொடங்கி விடுகின்றனர். ஆனாலும், வாரத்தில் மற்றக் கிழமைகளைவிட ஒவ்வொரு ஞாயிறையும் கடப்பது என்பது கடினமாகத்தான் இருக்கிறது.
ஒரு வழியாக இந்த வாரத்தோடு புரட்டாசி மாதம் முடிகிறது. இருந்தாலும் இந்த ஞாயிறும் பல வீடுகளில் அசைவம் சமைக்கவில்லை. அதனால் ஞாயிறு ஸ்பெஷல் மீம்ஸ்களோடு, அசைவம் சாப்பிட முடியவில்லையே என்ற ஆதங்கத்தையும் மீம்ஸ்களாக்கி இருக்கின்றனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google