நீதான் சீக்கிரமா சம்பளம் வாங்கித் தருவ வாத்தியாரே.. அதனாலயே உன்னை ரொம்பப் பிடிக்கும்!
சென்னை: பிப்ரவரி மாதம் பிறந்து மூன்று நாட்கள் ஆகியும், இன்னமும் சம்பளம் கையில் வரவில்லையே என ஒரு குரூப் மீம்ஸ் போட்டு புலம்பிக் கொண்டிருக்க, மற்றொரு குரூப்போ அதற்குள் புதிய வருடம் பிறந்து ஒரு மாதம் முடிந்து விட்டதே என மீம்ஸ்களைப் பகிர்ந்து ஆச்சர்யப்பட்டு வருகின்றனர்.
'நாட்கள்தான் எத்தனை வேகமாக ஓடுகின்றன'.. என எல்லோருமே ஆச்சர்யப்படும் அளவிற்கு, இப்போதுதான் புத்தாண்டு பிறந்த மாதிரி இருந்தது, ஆனால் அதற்குள் ஜனவரி மாதம் முடிந்து, பிப்ரவரி மாதமே பிறந்து விட்டது. புத்தாண்டு, பொங்கல், குடியரசு தினம் என ஜனவரி மாதம் விடுமுறைகளை அள்ளிக் கொடுத்ததுக்கூட அந்த மாதம் வேகமாக முடிந்து விட்ட தோற்றத்தைக் கொடுத்ததற்கு ஒரு காரணமாக இருக்கலாம்.
சரி, ஜனவரி தான் அப்படி என்றால், இப்போது பிப்ரவரியும் பிறந்து அதற்குள் மூன்று தினங்கள் ஓடி விட்டன. அதிலும் இந்த மாதத்தில் நாட்கள் குறைவு என்பதால், கண்ணை மூடித் திறப்பதற்குள் அதுவும் முடிந்து விடும் என இப்போதே மீம்ஸ் போட்டு வருகின்றனர் நெட்டிசன்கள். இவர்கள் இப்படி என்றால் மற்றொரு குரூப், நாட்கள் தான் ஓடுகின்றன ஆனால் சம்பளம் வருவதும் தெரிவதில்லை, போவதும் தெரிவதில்லை' என தக்கள் சொந்தப் பிரச்சினையையும் சேர்த்து மீம்ஸ்களில் புலம்பி வருகின்றனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில பிப்ரவரி மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google