முருங்கைகாய், கத்தரிகாய்லாம் போட்டு உன்னால மட்டும் எப்டி ரசம் வைக்க முடியுது?
சென்னை: வழக்கமாக ஞாயிறு மற்றும் புதன்கிழமைகளில்தான் சமூகவலைதளங்களில் சாப்பாடு மீம்ஸ் சற்று தூக்கலாக இருக்கும். ஆனால் இன்று வழக்கத்திற்கு மாறாக செவ்வாய்கிழமையும் சாம்பார், ரசம், உப்புமா என இணையத்தை கமகமக்க வைத்து வருகின்றனர் நெட்டிசன்கள்.
'இந்த ஒரு ஜான் வயிற்றுக்காத்தான் இந்த பிழைப்பு' என்ற இந்த வாக்கியத்தை எல்லோருமே தங்கள் வாழ்க்கையில் நிச்சயம் ஒருமுறையாவது நினைக்காமல் இருந்திருக்க மாட்டார்கள். ஆனால் அந்த ஒரு ஜான் வயிற்றை எதைப் போட்டு நிரப்புகிறோம் என்பதில்தான் ஒவ்வொருவருடைய பொருளாதாரமும் உள்ளது.
சமீபகாலமாக மக்களுக்கு விதவிதமாக சாப்பிடுவதில் ஆர்வம் அதிகரித்து வருகிறது. அதனால்தான் தெருவுக்கு நான்கு உணவகங்கள் முளைத்துள்ளன. இப்படி என்னவெல்லாம் விதவிதமாகச் சாப்பிடலாம் என ஒவ்வொருவரும் ரூம் போட்டு யோசித்துக் கொண்டிருக்கையில், வீட்டில் சாம்பாரையும், உப்புமாவையும் தட்டில் கொட்டி நீட்டினால் கடுப்பாகுமா? ஆகாதா?
அப்படி கடுப்பாகிதான் இன்று விதவிதமான சமையல் மீம்ஸ்களைப் பகிர்ந்து வருகிறார்கள் போலும். இதோ அப்படியாக நம் கண்ணில் பட்ட சாப்பாடு பற்றிய நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google