2 நாள் லீவு விட்டாலே வீட்டை ரெண்டாக்கிடுவான்.. இதுல 2 மாசம் வேற லீவு விடப் போறாங்க!

சென்னை : கோடைகாலம் ஆரம்பித்து விட்டாலே சூரியனை வைத்து நகைச்சுவையான மீம்ஸ்களைப் பகிர்ந்து இணையத்தை குளுகுளுவென மாற்றி விடுகிறார்கள் நம் நெட்டிசன்கள்.

கோடை வெயிலின் தாக்கம் நாளுக்கு நாள் அதிகரித்துக் கொண்டே வருகிறது. என்னதான் இடையிடையே கோடைமழை பெய்தாலும், அது பூமியைக் குளிர்விப்பதற்குப் பதில் மேலும் சூட்டைத்தான் கிளப்பி விட்டு விடுகிறது. இதனால் பல உடல்நலக் குறைவுகளும் ஏற்பட்டு மக்கள் மேலும் சிரமத்திற்கு ஆளாகின்றனர்.

போதாக்குறைக்கு பள்ளிகளுக்கும் விடுமுறை விட்டுவிட, இந்தக் கோடையில் குழந்தைகளை எப்படி வெளியில் விளையாட விடாமல் பார்த்துக் கொள்வது என பெற்றோர்கள் யோசிக்க ஆரம்பித்து விட்டனர். பிறகென்ன இதையெல்லாம் கலந்து கட்டி, நகைச்சுவையான மீம்ஸ்களைப் பகிர ஆரம்பித்து விட்டனர் நம் நெட்டிசன்கள்.

"2 நாள் லீவு விட்டாலே வீட்டை ரெண்டாக்கிடுவான்.. இதுல 2 மாசம் வேற லீவு விடப் போறாங்க!" என தங்களது புலம்பல்களை எல்லாம் நகைச்சுவையான மீம்ஸ்களாகப் பகிர்ந்து வருகின்றனர். கூடவே, "என்னா பெரிய செவ்வாய் தோஷம்.. வெயில் காலத்துல ஜலதோஷம் பிடிச்சு அவதிப்பட்டிருக்கியா?" என வெயிலையும் சேர்த்து கலாய்த்துள்ளனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில மீம்ஸ்களின் தொகுப்பு உங்களுக்காக...

English summary

These are some jolly memes collection on summer heat and school leave.