பிப்ரவரி மாசமே இப்டி தாக்குறியே.. ஏப்ரல், மே மாசமெல்லாம் என்ன பிளான் வச்சிருக்க?

Updated: Friday, February 28, 2025, 11:38 [IST]

Subscribe to Oneindia Tamil

சென்னை : பிப்ரவரி மாதத்திலேயே பகலில் இப்படி வியர்த்துக் கொட்டுகிறதே என மீம்ஸ் போட்டு, ஏப்ரல், மே மாதத்தைப் பற்றிய பயத்தை வெளிப்படுத்தி வருகின்றனர் நெட்டிசன்கள்.

நவம்பர், டிசம்பர் மாதங்கள் என்றால் மழை, புயல், வெள்ளம் என மீம்ஸ்களைப் பகிர்வதும், ஏப்ரல், மே மாதமென்றால் வெயிலை மீம்ஸ் போட்டு வறுத்தெடுப்பதும் நம் மக்களுக்கு பிடித்தமான பொழுதுபோக்குகளில் ஒன்று. ஆனால் இதற்கு இடைப்பட்ட இந்த பிப்ரவரி, மார்ச் மாதங்கள் இருக்கிறதே.. அவை உண்மையிலேயே ரெண்டுங்கெட்டான் மாதங்கள்தான்.

அதிலும் இந்த மார்ச் மாதம்கூட முழுவதுமாக வெயிலுக்கு மாறி விடும். ஆனால் இந்த பிப்ரவரி மாதம் தான், ஜனவரி குளிரில் இருந்தும் வெளியில் வர முடியாமல், மார்ச் மாத வெயிலுக்கும் நகர முடியாமல், இரண்டையும் கலந்து கட்டி அடித்து, மக்களைத் திணறடிக்கும். திடீரென மழை கொட்டும், குளிர் வாட்டும், மற்றொரு பக்கம் வெயிலும் கொளுத்தும்.

இப்படி மக்களை பகலில் ஒரு மாதிரியும், இரவில் வேறு மாதிரியும் பாடாய் படுத்தும் பிப்ரவரி மாதத்தை தங்கள் பங்கிற்கு மீம்ஸ் போட்டு கலாய்த்து வருகின்றனர் நெட்டிசன்கள். இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...