நீ என்னோட பழைய ஸ்டூடண்ட்டா... போ போயி 10 தடவை Teacherனு கரெக்ட்டா எழுதிட்டு வா!

சென்னை: ஆசிரியர் தினம் என்பது இப்போது படிக்கும் மாணவர்களுக்கு மட்டும்தானா.. வருடங்கள் ஆனாலும் எங்களது ஆசிரியர்களை நினைவு கூர்வோம் என மீம்ஸ் போட்டு வாழ்த்துகளைத் தெரிவித்து வருகின்றனர் நெட்டிசன்கள்.

ஆசிரியர் தினம் வந்து விட்டால் போதும், 'அந்தநாள் ஞாபகம் நெஞ்சிலே வந்ததே.. நண்பனே.. நண்பனே..' என தங்களது பள்ளி மற்றும் கல்லூரிப் பருவத்திற்குப் போய் விடுகின்றனர் மக்கள். அதனால்தான் தங்களுக்கு கற்றுக் கொடுத்த ஆசான்கள் அனைவரையும் நினைவு கூர்ந்து, அவர்களுக்கு ஆசிரியர் தின வாழ்த்துகளைச் சொல்ல ஆரம்பித்து விடுகின்றனர்.

'படிக்கும் காலத்தில் ஆசிரியர் வகுப்பிற்கு வரவில்லை என்றால் சந்தோசப்பட்டு, கடவுளே அவருக்கு காய்ச்சல் உடனே சரியாகக்கூடாது.. இன்னும் இரண்டு, மூணு நாட்கள் அவர் லீவு போட வேண்டும் என்றெல்லாம் நினைத்தவர்கள்'தான் இன்றைக்கு இப்படி உருகி உருகி வாழ்த்துகளைத் தெரிவித்து வருகின்றனர் என இப்படிப்பட்ட முன்னாள் மாணவர்களை கலாய்த்து வழக்கம் போல் தங்கள் ஸ்டைலில் மீம்ஸ்களைப் பகிர்ந்து வருகின்றனர் நெட்டிசன்கள்.

இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...