ஆட்சி இருக்கட்டும்.. பாலையாவிற்கு நேஷனல் அவார்ட் தாங்க.. மோடிக்கு நாயுடு பிரஷர்.. டிரெண்டிங் மீம்ஸ்
சென்னை; 2024 லோக்சபா தேர்தலில் பாஜக தனிப்பட்ட மெஜாரிட்டி பெறாமல் தோல்வி அடைந்த நிலையில் அதை வைத்து நெட்டிசன்கள் பலர் மீம்ஸ் போட்டு வருகின்றனர்.
2024 லோக்சபா தேர்தலில் பாஜக எதிர்பார்க்காத தோல்வி அடைந்து உள்ளது. கடந்த லோக்சபா தேர்தலில் பாஜக தேசிய அளவில் 303 இடங்களில் வென்றது. பாஜக என்டிஏ கூட்டணி 353 இடங்களில் வென்றது. காங்கிரஸ் 52 இடங்களில் வென்றது. இந்த நிலையில்தான் வாக்கு எண்ணிக்கை செய்யப்பட்டு தேர்தல் முடிவுகள் வெளியாகின. 543 தொகுதிகள் நாட்டில் உள்ளன. இதில் 272 தொகுதிகளில் வென்றால் ஆட்சியை பிடிக்க முடியும்.
இப்படிப்பட்ட நிலையில் 2024 லோக்சபா தேர்தலில் கிட்டத்தட்ட 292 தொகுதிகளில் என்டிஏ கூட்டணி வெற்றி பெற்றுள்ளது. பாஜக தனியாக 240 இடங்களில் வெற்றி பெற்றுள்ளது. காங்கிரஸ் கட்சி 97 இடங்களில் வெற்றி பெற்றுள்ளது. இந்தியா கூட்டணி 229 இடங்களில் வெற்றி பெற்றுள்ளது.
சந்திரபாபு நாயுடு - நிதிஷ் கிங்: இந்த லோக்சபா தேர்தலில் பாஜகவிற்கு தனி மெஜாரிட்டி கிடைக்கவில்லை. இதனால் சந்திரபாபு நாயுடு - நிதிஷ் குமார் ஆகியோரின் ஆதரவுடன் மட்டுமே பாஜக ஆட்சி அமைக்க முடியும்.
பாஜக ஆட்சி அமைக்க பீகாரில் உள்ள நிதிஷ் குமார் ஐக்கிய ஜனதா தளம் ஆதரவு தர வேண்டும். அவர்களிடம் 12 எம்பிக்கள் உள்ளனர். பாஜக ஆட்சி அமைக்க ஆந்திர பிரதேசத்தில் உள்ள சந்திரபாபு நாயுடுவின் தெலுங்கு தேசம் ஆதரவு தர வேண்டும். அவர்களிடம் 16 எம்பிக்கள் உள்ளனர். இவர்களின் ஆதரவு இன்றி பாஜக ஆட்சி அமைக்க முடியாது.
என்ன கோரிக்கை; சந்திர பாபு நாயுடு, நிதிஷ் குமார் ஆகியோர் பாஜக ஆட்சிக்கு ஆதரவு தருகிறோம், மோடி ஆட்சி அமைக்க ஆதரவு தருகிறோம் என்று கூறிவிட்டனர். ஆனால் நம்பிக்கை வாக்கெடுப்பு நாள் இன்னும் குறிக்கப்படவில்லை.
மீம்ஸ்: 2024 லோக்சபா தேர்தலில் பாஜக தனி பெரும்பான்மை பெற முடியாததை வைத்து நெட்டிசன்கள் மீம்ஸ் போட்டு வருகின்றனர். இதை எல்லாம் வைத்து மீம்ஸ் போட்டு வருகின்றனர்.
மோடியிடம் சந்திரபாபு நாயுடு.. பாலையாவிற்கு ஒரு நேஷனல் அவார்ட் கொடுங்க என்று பிரஷர் கொடுப்பதாக மீம்ஸ் போட்டுள்ளனர். மேலும் பங்கு.. நம்ம ஸ்டேட்ல எந்த நடிகரெல்லாம் இன்னும் நேஷனல் அவார்ட் வாங்கல.. ஒரு லிஸ்ட் எடு.. என்று மீம்ஸ் போட்டுள்ளனர்.
அங்க யாரு 4பேர் கேமராவோட.. என் பெர்சனல் போட்டோகிராபர் காரு.. இதெல்லாம் எனக்கு பிடிக்காது.. வேலய விட்டு தூக்கு.. என்று மோடியின் போட்டோகிராபி காதல் பற்றியும் மீம்ஸ் போட்டுள்ளனர்.
பதவியேற்பு விழா கிராண்ட்டா வைக்கிறது எல்லாம் எனக்கு பிடிக்காது.. பதவி ஏத்துகிட்டேன்னு ட்வீட் மட்டும் போடு.. போதும் என்று கிண்டலாக மீம்ஸ் போட்டுள்ளனர்.
அக்னிவீர் திட்டத்தை ஒழிக்க வேண்டும் என்று ஐக்கிய ஜனதா தளம் கூறுகிறது. அதேபோல் இந்த திட்டம் வேண்டாம் என்று லோக் ஜனதா கட்சியின் சிராக் பாஸ்வான் தெரிவிக்கிறார். ஆனால் பாஜக இந்த திட்டத்தை கைவிடும் எண்ணத்தில் இல்லை. இதை வைத்தும் மீம்ஸ் போட்டு வருகின்றனர்.
என்டிஏ கூட்டணி எம்பி-க்கள் கூட்டத்தில் கலந்து கொண்டு வந்த நரேந்திர மோடி, அங்கு வைக்கப்பட்டிருந்த அரசியல் சாசன புத்தகத்தை வணங்கினார். இதை வைத்தும் நெட்டிசன்கள் மீம்ஸ் போட்டு வருகின்றனர்.
Click it and Unblock the Notifications
Sign in with Google