சாதித்துப் பாருங்கள்.. மகிழ்ச்சி பெருக்கெடுக்கும்!
எதைச் செய்தாலும் வித்தியாசமாக இருக்க வேண்டும். எல்லோரும் செய்கிறார்களே என்று நாமும் அதே போல செய்ய வேண்டிய கட்டாயமே இல்லை.. நம்முடைய ஸ்டைல் என்று ஒன்று இருக்கும். அதைப் பிடித்து வெளியில் எடுங்கள்.. அதன்படி சென்று பாருங்கள்.. அதில் கிடைக்கும் வெற்றியும் தனி,,அதனால் விளையும் சந்தோஷமும் தனியாக இருக்கும்.
நடிகர் ரஜினிகாந்த் என்றால் நமக்கு முதலில் நினைவுக்கு வருவது அவருடைய ஸ்டைல் தான். அவருக்கு மட்டுமல்ல நம் ஒவ்வொருவருக்கும் ஒரு ஸ்டைல் இருக்கும். மற்றவரைப் பார்த்து அதை அப்படியே செய்வதால் நமக்கு எந்த பலனும் இல்லை அதையே நம் ஸ்டைலில் செய்யும்போது நிச்சயம் அது நிச்சயம் சிறப்பாக இருக்கும்.
நீங்கள் காலையில் எழுந்து வாசலில் கோலம் போடுவது முதல் இரவு உங்கள் படுக்கையில் போட்டிருக்கும் படுக்கை விரிப்பு வரை அனைத்துமே உங்கள் தனித்துவத்தை வெளிப்படுத்தும். சமைப்பதிலும் உங்கள் கைமணம் உங்கள் பிள்ளைகளையும் குடும்பத்தாரையும் மகிழ்விக்கும்.
ஒரு செயலை செய்யும் போது நேர்த்தியாக அழகாக உங்களுக்கே உரிய பாணியில் செய்யுங்கள். அவ்வாறு செய்யும் போது அலுவலகத்திலும் சரி வீட்டிலும் சரி உங்களுடைய தனித்துவத்தால் எல்லா விஷயத்திலும் வெற்றி காண்பீர்கள். உங்களுடைய திறமைகளால் உங்களுக்கு வெற்றி நிச்சயம்.
"சீக்ரெட்".. அமித்ஷாவை சந்திக்கவிருக்கும் விஐபி.. தயாரான ரகசிய இடம்?.. தகிக்கும் தமிழக அரசியல்..!
உங்களுடைய தனித்திறமைகளை எல்லாம் வெளிக்கொணர்ந்து வாழ்க்கையில் சாதித்துக் காட்டுங்கள். உங்களுடைய கைவண்ணத்தால் வாழ்வை வண்ணமயமாக்குங்கள். திறமைகளுக்கு என்றுமே தனி வாசம் உண்டு.. அந்த வாசமே உங்கள் சுவாசமாகும்.. அந்த சுவாசம் உங்களை மட்டுமல்லாமல் உங்களைச் சுற்றிலும் உள்ளவர்களையும் ஆரோக்கியமாக வைத்திருக்கும்.