பேச வேண்டிய நேரத்தில் பேசுங்க!

எதையுமே தாமதிக்கக் கூடாது. சிலர் பேச வேண்டிய நேரத்தில் பேச மாட்டார்கள். ஆனால் பேச விரும்பும்போது அவர்களுக்கான காலத்தைத் தவற விட்டிருப்பார்கள்.

பேச வேண்டிய நேரத்தில் பேச வேண்டும். அமைதி காக்க வேண்டிய இடத்தில் அமைதி காக்க வேண்டும். பேச வேண்டிய நேரத்தில் பேசாமலிருப்பது பிரச்சினைக்கு வழிவகுக்கும். சிலர் பேச வேண்டிய நேரத்தில் பேசாமல் அந்த சந்தர்ப்பத்தைத் தவற விட்டுடேனே என்று பிறகு புலம்புவார்கள். கிடைக்கும் சந்தர்ப்பத்தை சரியாகப் பயன்படுத்திக் கொள்பவனே சிறந்த மனிதன்.

ராமு நேர்காணலுக்குச் சென்றிருந்தான். எழுத்துத் தேர்வில் அதிக மதிப்பெண் பெற்று குழு விவாதத்திற்குத் தயாரானான். குழு விவாதத்தில் அவனுக்கான வாய்ப்புக் கிடைத்த போது அவன் பயத்தில் சரியாகப் பேசவில்லை. அதனால் அவனுக்கு வேலை கிடைக்கவில்லை. இருபத்தைந்தாயிரம் ரூபாய் சம்பளம் கொண்ட வேலை அது. அவன் சரியாகப் பேசாததால் அவனுக்கு வேலை கிடைக்கவில்லை. பேச வேண்டிய இடத்தில் உங்கள் கருத்துகளைத் தெரிவித்து விடுங்கள் மற்றுமொரு வாய்ப்பு கிட்டுமா என்பது நமக்குத் தெரியாது.

கிடைத்தற்கரிய வாய்ப்புகள் கூட நீங்கள் பேசாதிருப்பதால் கிடைக்காமல் போகலாம். தைரியமாகப் பேசுங்கள். கிடைத்த வாய்ப்பைப் பயன்படுத்திக் கொண்டு பேசி உங்கள் திறமைகளை மற்றவர்களுக்கு வெளிப்படுத்துங்கள். பேசாமல் இருந்துவிட்டு இந்த பொன்னான வாய்ப்பைத் தவற விட்டுவிட்டோமே என்று பின்னர் வருந்தாதீர்கள்.

வாழ்க்கையில் ஜெயி்க்க வேண்டும் என்றால் நிச்சயம் பேச வேண்டும். பேச வாய்ப்புக் கிடைக்கும் போது அதை நன்றாகப் பயன்படுத்திக் கொள்ளுங்கள். பேச வேண்டிய நேரத்தில் கண்டிப்பா பேசுங்க வாழ்க்கை அழகாக இருக்கும்.

English summary

Timely speech is must for all to win the goals.