வனக்காவலர்களை துப்பாக்கியால் சுட்ட கடத்தல்காரர்கள்
கிங்ஸ்டன் டெஸ்ட்: 10 விக்கெட் வித்தியாசத்தில் மே.இ. தீவுகளிடம் ஜிம்பாப்வே தோல்வி
கிங்ஸ்டன்:
ஜிம்பாப்வேக்கு எதிராக கிங்ஸ்டனில் நடைபெற்ற 2-வது கிரிக்கெட் டெஸ்டில் 10 விக்கெட் வித்தியாசத்தில் மேற்கிந்தியத் தீவுகள் அணி வெற்றி பெற்றது.
72 ரன்கள் எடுத்தால் வெற்றி பெறலாம் என்ற நிலையில், முந்தைய தின ஸ்கோரான விக்கெட் இழப்பின்றி 8 ரன்களுடன் 5-ம் நாளான செவ்வாய்க்கிழமை தனது இரண்டாவது இன்னிங்ஸை மேற்கிந்தியத் தீவுகள் அணி தொடர்ந்தது.
துவக்க ஆட்டக்காரர்களாகக் களமிறங்கிய கேம்ப்பெல், கிரிப்ஃபித் இருவரும் பதற்றமில்லாமல் ஆடி 75 ரன்கள் எடுத்து தங்கள் அணியை வெற்றி பெற வைத்தனர். கிரிப்ஃபித் 54 ரன்கள் எடுத்தார்.
இந்த வெற்றியை அடுத்து டெஸ்ட் தொடரை 2-0 என்ற கணக்கில் மேற்கிந்தியத் தீவுகள் வென்றது. ஏற்கெனவே போர்ட் ஆஃப் ஸ்பெயினில் நடைபெற்ற முதல் போட்டியிலும் மேற்கிந்தியத் தீவுகள் அணி வெற்றி பெற்றது.
கேப்டனாகப் பொறுப்பேற்ற முதல் இரு டெஸ்டுகளிலும் மேற்கிந்தியத் தீவுகள் அணியை ஜிம்மி ஆடம்ஸ் வெற்றி பெற வைத்துள்ளார்.
கிங்ஸ்டன் டெஸ்டில் வேகப்பந்து வீச்சாளர் கார்ட்னி வால்ஷ் 435 விக்கெட்டுகளை வீழ்த்தி டெஸ்ட் கிரிக்கெட்டில் அதிக விக்கெட்டுகளை வீழ்த்தியவர் என்ற சாதனையைப் படைத்தார் என்பது குறிப்பிடத்தக்கது.
டெஸ்ட் போட்டித் தொடருக்குப் பிறகு மேற்கிந்தியத் தீவுகள், ஜிம்பாப்வே, பாகிஸ்தான் அணிகள் பங்குபெறும் முத்தரப்பு ஒருநாள் கிரிக்கெட் போட்டித் தொடர் இவ் வார இறுதியில் தொடங்குகிறது.
ஸ்கோர்:
முதல் இன்னிங்ஸ்
- ஜிம்பாப்வே - 308.
- மேற்கிந்தியத் தீவுகள் - 339.
- ஜிம்பாப்வே - 102.
- மேற்கிந்தியத் தீவுகள் - விக்கெட் இழப்பின்றி 75.