தமிழகத்தில் இன்று

பாண்டிச்சேரியில் மேலும் ஒரு அமைச்சர்
பாண்டிச்சேரி:

பாண்டிச்சேரியில் முதல்வர் சண்முகம் தலைமையிலான அமைச்சரவை திங்கள்கிழமை விரிவுபடுத்தப்பட்டது. விரிவுபடுத்தப்பட்ட அமைச்சரவையில் மேலும் ஒருஅமைச்சர் பதவியேற்றார்.

இங்கு முதல்வர் சண்முகம் பதவியேற்று 68 நாட்கள் ஆகிறது. அமைச்சரவை விரிவாக்கத்தில் தமிழ்மாநில காங்கிரஸ் எம்எல்ஏ எம்.கந்தசாமிஅமைச்சராக பதவியேற்றார்.

திங்கள் கிழமை நடந்த எளிய பதவியேற்பு நிகழ்ச்சியில் பாண்டிச்சேரி கவர்னர் ரஜினிராய் அமைச்சர் கந்தசாமிக்கு பதவிப்பிரமாணமும், ரகசியக் காப்புப்பிரமாணமும் செய்து வைத்தார்.

பாண்டிச்சேரியில் தனித்தொகுதி பேகூரில் தமிழ்மாநில காங்கிரஸ் கட்சி வேட்பாளராக நின்று தேர்ந்தெடுக்கப்பட்டவர் கந்தசாமி.

திங்கள்கிழமை நடந்த பதவியேற்பு நிகழ்ச்சியில் முதல்வர் சண்முகம், சபாநாயகர் ஏ.வி.சுப்ரமணியம், தமிழ்மாநில காங்கிரஸ் செயலாளர் அழகிரி, பாண்டிச்சேரிமாநில காங்கிரஸ் கமிட்டி தலைவர் வி.நாராயணசாமி மற்றும் பலர் கலந்து கொண்டனர்.

யு.என்.ஐ.