• search
For Quick Alerts
ALLOW NOTIFICATIONS  
For Daily Alerts
Just In

தமிழகத்தில் இன்று

By Staff
|
இலங்கைக்கு ராணுவ உதவி இல்லை - அமெரிக்கா அறிவிப்பு

கொழும்பு:

இலங்கைக்கு ராணுவ உதவி வழங்கப்படாது என்று அமெரிக்க வெளியுறவுத் துறையின் அரசியல் விவகாரப் பிரிவு துணைச் செயலர் தாமஸ் பிக்கரிங்தெரிவித்தார்.

இலங்கை தலைநகர் கொழும்பில், இலங்கை எதிர்க்கட்சித் தலைவர் ரனில் விக்ரமசிங்கேவுடன் திங்கள்கிழமை பேச்சு நடத்திய பிறகு நிருபர்களிடம் அவர்கூறியதாவது:

இலங்கைப் பிரச்சினைக்கு அரசியல் ரீதியான தீர்வு காண நார்வேயும், இந்தியாவும் எடுத்துள்ள முயற்சிகளுக்கு அமெரிக்கா ஆதரவு தருகிறது. ஆனால்,இலங்கைக்கு அமெரிக்காவின் ராணுவ உதவி கிடையாது. இருப்பினும், இலங்கை கேட்டுக் கொள்ளும் பட்சத்தில் அந் நாட்டுக்கு மனிதாபிமானஅடிப்படையில் உதவி அளிக்க அமெரிக்கா தயாராக உள்ளது.

இலங்கைப் பிரச்சினைக்கு அரசியல் தீர்வுதான் ஒரே இறுதித் தீர்வாக இருக்க முடியும். அரசியலமைப்புச் சட்டத்தின் ஜனநாயக வரம்புக்குள் இத் தீர்வுகாணப்படவேண்டும். மேலும், அரசும் எதிர்க்கட்சியும் பேசி இப் பிரச்சினைக்குத் தீர்வு காணவேண்டும். இலங்கைப் பிரச்சினைக்கு உடனடி தீர்வு காணுவதுபற்றி விக்ரமசிங்கேவுடன் நடந்த பேச்சில் ஆலோசிக்கவில்லை என்றார் பிக்கரிங்.

முன்னதாக இலங்கை வெளியுறவுத் துறை அமைச்சர் கதிர்காமருடன், யாழ்ப்பாணத்தில் நடந்து வரும் சண்டை பற்றி பேச்சு நடத்தினார். அவர், அடுத்து அதிபர்சந்திரிகா குமாரதுங்காவைச் சந்தித்துப் பேசுவார் என்று எதிர்பார்க்கப்படுகிறது.

யு.என்.ஐ.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X