தமிழகத்தில் இன்று

கொழும்பு:

அமெரிக்க அரசியல் விவகாரங்களுக்கான வெளியுறவுத் துறை செயலாளர் தாமஸ் பிக்கரிங் ஒரு நாள் பயணமாக கொழும்பு நகருக்கு திங்கள்கிழமைவருகிறார்.

விடுதலைப் புலிகளுக்கும், இலங்கை அரசுக்கும் இடையே பல ஆண்டுகளாக நீடித்து வரும் போருக்குத் தீர்வு காணும் வகையிலான அமைதிப் பேச்சவார்த்தைஇந்த வருகை மூலம் சூடு பிடிக்கும் என்று எதிர்பார்க்கப்படுகிறது.

இலங்கைப் போரில் அரசுக்கு ஆதரவான போக்கை அமெரிக்கா கடைப்பிடிப்பதையே பிக்கரிங் வருகை காட்டுவதாக அரசியல் நோக்கர்கள்கூறியுள்ளனர்.

டெல்லி வந்துள்ள பிக்கரிங் அங்கிருந்து கொழும்பு செல்கிறார். இந்திய அரசுடன் அவர் இலங்கைப் பிரச்சினை குறித்துப் பேச்சு நடத்தினார்.

இலங்கை வெளியுறவுத் துறை அமைச்சர் லட்சுமண் கதிர்காமர், எதிர்க்கட்சித் தலைவர்விக்கிரமசிங்கே மற்றும் பிற தலைவர்களை பிக்கரிங் சந்திப்பார் என்று தெரிகிறது.