விம்பிள்டன் டென்னிஸ்: இரண்டாவது சுற்றில் சாம்ப்ராஸ், ஹிங்கிஸ்

ஞிணிடூணிணூ="ஆடூச்ஞிடு">விம்பிள்டன்:

விம்பிள்டன் டென்னிஸ் போட்டியின் இரண்டாவது சுற்றில் விளையாட முன்னாள் சாம்பியன்களும், ஆண் மற்றும்பெண் பிரிவில் முதல் நிலையில் உள்ளவர்களுமான பீட் சாம்ப்ராஸும், மார்ட்டினா ஹிங்கிஸும் தகுதிபெற்றுள்ளனர்.

கிராண்ட் ஸ்லாம் டென்னிஸ் போட்டிகளிலேயே அதிக பரிசுத் தொகையைக் கொண்ட விம்பிள்டன் டென்னிஸ்போட்டி திங்கள்கிழமை துவங்கியது. முதல் சுற்றில் மொத்தம் 17 ஆட்டங்கள் நடைபெற்றது.

இவற்றில் ஆண்கள் பிரிவில் பீட் சாம்ப்ராஸ், செட்ரிக் பியோலின், தாமஸ் என்குவிஸ்ட், ரிச்சர்டு கிராஜிசெக்போன்ற முன்னணி வீரர்களும் பெண்கள் பிரிவில் ஹிங்கிஸ், செரீனா வில்லியம்ஸ், வீனஸ் வில்லியம்ஸ், அன்னாகூர்னிகோவா, ஆங்கே ஹூபர் ஆகிய முன்னணி வீராங்கனைகளும் வெற்றி பெற்று இரண்டாவது சுற்றில்நுழைந்துள்ளனர்.

செவ்வாய்க்கிழமை நடைபெறும் முதல் சுற்று ஆட்டங்களில் ஆண்கள் பிரிவில் அகாஸி, நார்மன், கஃபெல்நிகோவ்,ஹென்மென் உள்ளிட்டோரும், பெண்கள் பிரிவில் தேவன்போர்ட், பியர்ஸ், அரான்ட்சா சான்செஸ் விகாரியோ,மோனிகா செலஸ் உள்ளிட்டோரும் விளையாடுகின்றனர்.

யு.என்.ஐ.