விம்பிள்டன் டென்னிஸ்: கால் இறுதியில் சாம்ப்ராஸ், அகாஸி, ஹிங்கிஸ்,தேவன்போர்ட்

விம்பிள்டன்:

விம்பிள்டன் டென்னிஸ் போட்டியின் கால் இறுதியில் விளையாட ஆண்கள் பிரிவில்சாம்ப்ராஸ், அகாஸி, பெண்கள் பிரிவில் ஹிங்கிஸ், தேவன்போர்ட் போன்ற முன்னணிவீரர் மற்றும் வீராங்கனைகள் தகுதி பெற்றுள்ளனர்.

ஞாயிற்றுக்கிழமை ஓய்வு நாளுக்குப் பிறகு திங்கள்கிழமை 4-வது சுற்று ஆட்டங்கள்தொடங்கின.

ஆண்கள் பிரிவில் சாம்ப்ராஸ், அகாஸி, ராப்டர், பிலிப்போஸில், ஹென்மன்,என்குவிஸ்ட் போன்ற முன்னணி வீரர்கள் மோதினர்.

இதில் சாம்ப்ராஸ், அகாஸி இருவரும் எளிதான வெற்றியைப் பெற்றனர்.பிலிப்போஸிஸ்-ஹென்மன், ராப்டர்-ஜொஹான்சன், மைக்கேல் கேம்பில்-என்குவிஸ்ட்ஆகியோருக்கு இடையேயான ஆட்டம் கடுமையாக இருந்தது.

குறிப்பாக பிலிப்போஸிஸ்-ஹென்மன் இடையேயான ஆட்டம் விறுவிறுப்பாகஇருந்தது. இறுதியில் பிலிப்போஸிஸ் வென்றார். மற்ற இரு ஆட்டங்களில் ராப்டர்,மைக்கேல் கேம்பில் வெற்றி பெற்றனர். என்குவிஸ்ட், மார்க் ரோஸட் ஆகியோர்அதிர்ச்சித் தோல்வியடைந்தனர்.

அலெக்சாண்டர், பைரோன் பிளாக், விளாடிமிர் வால்ட்ச்காவ் ஆகியோரும் கால்இறுதிக்கு முன்னேறியுள்ளனர்.

பெண்கள் பிரிவில் திங்கள்கிழமை நடந்த ஆட்டங்கள் அவ்வளவு விறுவிறுப்பாகஇல்லை. எதிர்பார்த்தபடியே முடிவுகள் இருந்தன. அனைத்து ஆட்டங்களும் இருசெட்டுகளிலேயே முடிந்துவிட்டன.

ஹிங்கிஸ், தேவன்போர்ட், வீனஸ் வில்லியம்ஸ், செரீனா வில்லியம்ஸ், மோனிகாசெலஸ் ஆகியோர் எளிதான வெற்றியைப் பெற்றனர். ஹூபர், ஜெனிபர் கேப்ரியாட்டி,சாஞ்சஸ் விகாரியோ ஆகியோர் அதிர்ச்சித் தோல்வியுற்றனர்.

ரேமண்ட், டோகிக், செர்னா ஆகியோரும் கால் இறுதிக்கு முன்னேறியுள்ளனர்.