• search
For Quick Alerts
ALLOW NOTIFICATIONS  
For Daily Alerts

தமிழகத்தில் இன்று

By Staff
|

கே: மனிதாபிமான அடிப்படையில், சந்தனக் கடத்தல் வீரப்பனின் மகள் படிக்க த.மா.கா. நிதி உதவி அளித்துள்ளது பற்றி...?

ப: சட்டத்துக்கும், சமூகத்துக்கும் விரோதமாகச் செயல்பட்டு, குடும்பத்தை நிர்கதியாக விட்டவர்கள் பலர் இருக்கிறார்கள்: அவர்களில் இந்தஒரு குடும்பத்துக்கு மட்டும் கருணை என்று த.மா.கா. முடிவு செய்திருப்பதற்கு ஏதோ ஒரு காரணம் இருக்கலாம். அது என்ன காரணம் என்றுஎனக்குத் தெரியவில்லை.

கே: உள்துறை அமைச்சர் அத்வானி, ஈரோட்டில் நடத்திய ம.தி.மு.க. மாநாட்டில் கலந்து கொண்டது பற்றி தங்கள் கருத்து...?

ப: தவறு என்று நினைக்கிறேன்.

கே; மேதாவித்தனமானவர்கள் மட்டுமே துக்ளக் படிப்பார்கள் என்று என் நண்பன் கூறினான் உண்மையா...?

ப:அவர் சொன்னது துக்ளக் படிப்பவர்களைப் பற்றித்தான். எழுதுபவர்களைப் பற்றி அல்ல என்பதால் - ஒரு வேளை உண்மையாக இருந்தாலும் இருக்கலாம்.

கே: மன்னிக்கவும்! சோம்பேறி, சோப்ளாங்கி, சோமாறி - இவற்றிலிருந்து உங்கள் சோ எப்படி வேறுபடுகிறது?

ப: சோ ஆரம்பம்; "ம்பேறி", "ப்ளாங்கி", "மாறி"... இவையெல்லாம் இனிமேல்தான் வந்து சேர வேண்டும். ஆகையால், எனது நிலை தொடக்க நிலை.

கே: மரணத்துக்குப் பின், உயிர் எங்கே செல்கிறது? என்ன ஆகிறது?

ப: நீங்கள் நசிகேதஸும் அல்ல; நான் எமதர்மனும் அல்ல.

கே: தப்பு செய்த அனைவரும் அதற்குரிய தண்டனையை அனுபவிக்கிறார்களா...?

ப: கிடையாது. தப்பு செய்த மற்றவர்களுக்கு தண்டனை பெற்றுத் தருகிற நிலையில் உள்ள, தப்பு செய்தவர்களும் உண்டு.

கே: ராம் விலாஸ் பாஸ்வான் வனத்துறை அமைச்சராகியிருந்தால்...?

ப: காட்டிலாகா ஊழியர்களுக்கு, மரங்கள் இனாமாகத் தரப்பட்டிருக்கும். சந்தனக் காட்டு ஊழியர்கள், வீரப்பனின் கோபத்துக்கு ஆளாகியிருப்பார்கள்.

கே: பா.ஜ.க.வின் மதச்சார்பின்மை கொள்கை; காங்கிரஸ் மற்றும் கம்யூனிஸ்ட்களின் மதச்சார்பின்மை கொள்கை - வித்தியாசம் என்ன?

ப: ஹிந்துக்களிடையே உள்ள சகல ஜாதிகளின் ஓட்டும் தனக்கே வர வேண்டும் என்று இலக்கு வைத்து செயல்படுவது - பா.ஜ.க. வின்மதச்சார்பின்மை; ஹிந்துக்களில் சில ஜாதிகளின் ஓட்டும், சிறுபான்மையினரின் ஒட்டுமொத்த ஓட்டும் தனக்கே வர வேண்டும் என்று இலக்குவைத்து செயல்படுவது - காங்கிரஸ் போன்ற கட்சிகளின் மதச்சார்பின்மை.

கே: கருணாநிதி - ஜெயலலிதா ஆகிய இருவரின் சொத்துச் சண்டையின் முடிவு எப்படியிருக்கும் என்று கருதுகிறீர்கள்?

ப: எப்பொழுதும் போல, சொத்து அவர்களுடையதாக இருக்கும். சண்டை இரு கட்சிகளின் தொண்டர்களுடையதாக இருக்கும்.

கே: 2006-ல் துக்ளக் ஆட்சி அமைய நாம் இருவரும் சேர்ந்து பாடுபடுவோமா?

ப: வேண்டாம். தேவையே இல்லை. அதை மற்றவர்கள் பார்த்துக் கொள்வார்கள்.

கே: ஆந்திர மாநிலத்தில் கிறிஸ்துவ கல்லறைகளை வன்முறையாளர்கள் இடித்துத் தள்ளியுள்ளனரே?

ப: கிறிஸ்துவ தேவாலயங்கள் தாக்கப்படுவதும், பாதிரிமார்கள் தாக்கப்படுவதும் ஆங்காங்கே, அவ்வப்போது நிகழந்து கொண்டே இருக்கின்றன.

அரசு சொல்கிற மாதிரி இது பாகிஸ்தானில் உளவாளிகளின் செயலாக இருந்தாலும் சரி - அல்லது எதிர்க் கட்சிகள் கூறுகிற மாதிரி, ஹிந்துஅமைப்புகளின் செயலாக இருந்தாலும் சரி - இந்த அநாகரிகம் உடனடியாக நிறுத்தப்பட வேண்டிய ஒன்று.

ஒரு சில சம்பவங்கள்தான் நடக்கின்றன என்று கூறி அரசு மெத்தனம் காட்டுவது விபரீதத்தில் போய் முடியும்.

கே: ஜெயலலிதா, தேர்தலில் போட்டியிட தடை வர வாய்ப்புகள் உண்டா?

ப: தடை வருவதற்கும் வாய்ப்புகள் உண்டு. வருகிற தடை விலகி நிற்பதற்கும் வாய்ப்பு உண்டு.

கே: நடப்பதெல்லாம் கடவுள் செயல் எனும்போது, நடக்கின்ற அநியாய, அக்கிரமங்களுக்கு மற்றவர்களைக் குறை சொல்வது சரிதானா?

ப: அப்படி குறை சொல்பவர்களின் பேச்சும் கடவுள் செயலே. அதில் குற்றம் காணும் உங்களுடைய கேள்வியும் கடவுள் செயலே. இதை விளக்குகிற எனது பதிலும் கடவுள் செயலே.

கே: ஆட்சியில் பங்கு வேண்டும் என்று ப.சிதம்பரம் பேசியபடி நடக்குமா?

ப: கூட்டணி ஆட்சிக்கு கருணாநிதி சம்மதிக்கிறாரோ இல்லையோ - ஜெயலலிதா சம்மதிப்பதற்கு வாய்ப்பு இருப்பவதாகவே நினைக்கிறேன்.

கே: இத்தனை வழக்குகள் தன் மீது இருந்தும், எந்த தைரியத்தில் மீண்டும் தன் கட்சி ஆட்சியைப் பிடிக்கும் என்று ஜெயலலிதா பேசுகிறார்?

ப: ஆளும் கட்சி பற்றி மக்களுக்கு இயல்பாகவே ஏற்படுகிற ஏமாற்றம், தனக்கு உதவும் என்று அவர் நம்புகிறார்.

கே: அவன் பெரிய மனிதன் என்கிறார்களே, இதற்கு என்ன அர்த்தம்?

ப: அவனோடு நமக்கு சரிப்பட்டு வராது - என்று அர்த்தம்.

கே: வருகிற தேர்தலில் தி.மு.க.வுக்கும், அ.தி.மு.க.வுக்கும் ப்ளஸ் பாயிண்ட்களாக இருக்கப் போவது என்ன?

ப: தி.மு.க.வுக்கு ப்ளஸ் பாயிண்ட் - அ.தி.மு.க. ஆட்சியைப் பற்றி மக்களுக்கு மிச்சம் மீதி இருக்கும் நினைவு. அ.தி.மு.க.வுக்கு ப்ளஸ் பாயிண்ட் - தி.மு.க.ஆட்சி பற்றி மக்களுக்கு ஏற்பட்டிருக்கிற அதிருப்தி.

கே: பத்திரிக்கைகளுக்கும் ஐ.எஸ்.ஐ. முத்திரை வழங்கப்பட்டால்...?

ப: வேண்டாம், பாகிஸ்தான் உளவு ஏஜெண்டுகளுக்கும் ஐ.எஸ்.ஐ. என்றுதான் பெயர். இந்த முத்திரை பெறுவது பத்திரிக்கைகளுக்கு தர்மசங்கடமாகஇருக்கும்.

கே: பத்திரிக்கையாளர்கள் எல்லாம் சேர்ந்து மூன்றாவது அணி அமைத்தால், அதை ஆதரிக்க த.மா.கா. தயார் என்று மூப்பனார்கூறியுள்ளாரே?

ப: பத்திரிக்கையாளர்களிடம் அவர் ஏமாறவில்லை. ஏமாந்த மாதிரி நடிக்கிறார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more