தமிழகத்தில் இன்று

நீண்ட தூர ஏவுகனை தயாரிக்க பாகிஸ்தானுக்கு உதவுகிறது சீனா

வாஷிங்டன்:

பாகிஸ்தான் நீண்ட தூர ஏவுகனைகள் தயாரிப்பதற்கு சீனா தொடர்ந்து உதவி வருவதாக அமெரிக்க புலனாய்வுத் தகவல்கள் தெரிவிக்கின்றன.

பாகிஸ்தானுக்கு, நீண்ட தூர ஏவுகனைகள் தயாரிப்பதற்கான தொழில்நுட்பத்தை வழங்கக் கூடாது என்று அமெரிக்கா, சீனாவுக்கு எச்சரிக்கைவிடுத்திருந்தது.

இதுதொடர்பாக அமெரிக்க பாதுகாப்பு அமைச்சர் வில்லியம் கோஹன், சமீபத்தில் சீன அதிபர் ஜியாங் ஜெமீனுடன் பேசினார். ஆயுதக் கட்டுப்பாட்டு அதிகாரிஜான் ஹோலனும், சமீபத்தில் சீனா வந்து, சீனத் தலைவர்களிடம் பேசினார்.

இருப்பினும் தொடர்ந்து சீனா, ஏவுகனைத் தொழில்நுட்பத்தை பாகிஸ்தானுக்கு அளித்து வருவதாக அமெரிக்க புலனாய்வுத் தகவல்கள் தெரிவிக்கின்றன.பாகிஸ்தான் மட்டுமல்லாது, ஈரான் ஏவுகனைத் திட்டத்திற்கும் சீனா தொடர்ந்து ஆதரவு வழங்கி வருகிறது என்றும் இந்தத் தகவல்கள்தெரிவிக்கின்றன.

பாகிஸ்தானுக்கு நீண்ட தூர ஏவுகனைத் தொழில்நுட்பத்தை வழங்க மாட்டோம் என்று 1998-ம் ஆண்டு அமெரிக்க அதிபர் கிளிண்டனுக்கு சீனாஉறுதியளித்திருந்தது. ஆனால் சீனா அதை மதிக்கவில்லை என்றும் இத்தகவல்கள் தெரிவிக்கின்றன.