தமிழகத்தில் இன்று

மேட்டூர் வருகிறது காவிரி

சேலம்:

மேட்டூர் அணையில் நீர்வரத்து அதிகரித்துள்ளது.

கர்நாடகாவில் பெய்து வரும் மழையால், கபினி அணையில் அதிக அளவு தண்ணீர் வருகிறது. இதனையடுத்து, காவிரி ஆற்றிலும் தண்ணீர் வரத்து அதிகரித்துள்ளது.

சனிக்கிழமை மாலை மேட்டூர் அணைக்கு நீர் வரத்து வினாடிக்கு 24 ஆயிரத்து 80 கன அடியாக இருந்தது. தற்போது அணையின் நீர்மட்டம் 83 அடியாக உள்ளது. அணையின் மொத்த கொள்ளளவு 120 அடியாகும்.

மேட்டூர் அணைக்கு தண்ணீர் வரத் தொடங்கியதைத் தொடர்ந்து, விவசாயத்திற்கு கடந்த 12-ம் தேதி முதல் தண்ணீர் திறந்து விடப்பட்டுள்ளது.