தமிழகத்தில் இன்று

தமிழர்கள் படுகொலையை நினைவு கூர்ந்த இலங்கை

கொழும்பு:

இலங்கையில் 1983 ம் ஆண்டு படுகொலை செய்யப்பட்ட தமிழர்களின் 17-வது ஆண்டு நினைவு நாள் ஞாயிற்றுக்கிழமை அனுசரிக்கப்பட்டது.

1983 ம் ஆண்டு நடந்த இனக் கலவரத்தில், 3 ஆயிரம் தமிழர்கள், சிங்கள வெறியர்களால் படுகொலை செய்யப்பட்டனர். இது நடந்து இப்போது 17 ஆண்டுகள்ஆகிறது.

இதைக் குறிக்கும் வகையில் ஞாயிற்றுக்கிழமை பலத்த போலீஸ் பாதுகாப்புடன் 17 வது நினைவுநாள் அனுசரிக்கப்பட்டது. பல்வேறு இடங்களில்பிரார்த்தனைக் கூட்டங்கள் நடத்தப்பட்டன.

9 புலிகள் சாவு:

இதற்கிடையே யாழ்ப்பாணம், வவுனியா, வல்வெட்டித்துறை பகுதிகளில் ஞாயிற்றுக்கிழமை நடந்த தாக்குதலில் 9 விடுதலைப் புலிகள் கொல்லப்பட்டனர்.ராணுவ வீரர்கள் இரண்டுபேர் இறந்தனர்.

இந்த நிலையில், விடுதலைப் புலிகளுக்கும், எதிர்கட்சித் தலைவர் ரனில் விக்ரமசிங்கேவுக்கும் இடையே தொடர்பு இருப்பதாக குற்றம் சாட்டப்பட்டது.இதுதொடர்பாக விசாரணை எதுவும் நடத்தவில்லையென்று உயர் போலீஸ் அதிகாரி ஒருவர் கூறினார்.