மதுரை சாலை விபத்தில் 5 பேர் சாவு

மதுரை:

மதுரை அருகே அரசுக்குச் சொந்தமான பஸ்ஸும், ஜீப்பும் நேருக்கு நேர் மோதிக் கொண்டதில் ஜீப்பில் பயணம் செய்த 5 பேர் இறந்தனர். ஒருவர் பலத்தகாயமடைந்தார்.

மதுரை-ராஜபாளையும் நெடுஞ்சாலையில் அம்மாபட்டி அருகே வெள்ளிக்கிழமை இவ் விபத்து நடந்தது. விபத்தில் இறந்தவர்களில் திருநெல்வேலிமாவட்டம், நீலகாட்டுச்சேவல் கிராம பஞ்சாயத்துத் தலைவரும் அடங்குவார்.

டிராக்டருக்கான உதிரி பாகங்கள் வாங்குவதற்காக பஞ்சாயத்துத் தலைவர் உள்பட 6 பேர் ஜீப்பில் வந்து கொண்டிருந்தபோது இவ் விபத்து நடந்தது. விபத்தில்காயமடைந்த ஒருவர் மதுரை ராஜாஜி மருத்துவமனையில் சேர்க்கப்பட்டுள்ளார்.

விபத்தில் ஜீப் முழுமையாக சேதமடைந்துவிட்டதாகப் போலீஸார் தெரிவித்தனர். மதுரை புறநகர் போலீஸார் வழக்குப் பதிவு செய்துள்ளனர்.

யு.என்.ஐ.