சென்னை பா.ஜ.க. மாநாட்டில் பங்கேற்கிறார் அத்வானி

சென்னை:

சென்னையில் இம்மாதம் நடைபெறவுள்ள தமிழக பாரதீய ஜனதாக் கட்சி மாநாட்டில் மத்திய உள்துறை அமைச்சர் அத்வானி கலந்து கொள்கிறார்.

பா.ஜ.க. சார்பில் சென்னை மற்றும் அதன் சுற்றுப்புற மாவட்டங்கள் இணைந்து பூந்தமல்லியில் செப்டம்பர் 23-ம் தேதி மாநாடு நடத்தவுள்ளன.மாநாட்டில் மத்திய அமைச்சர் அத்வானி கலந்து கொண்டு பேசுகிறார்.

அகில இந்திய பா.ஜ.க. பொதுச் செயலாளர் வெங்கையா நாயுடு, தமிழக தலைவர் கிருபாநிதி மற்றும் பல தலைவர்கள் இதில் கலந்து கொள்கின்றனர்.

மாநாட்டிற்கு முன்பாக மாலையில் பேரணி நடக்கிறது. இரவு பொதுக் கூட்டம் நடக்கிறது. அதிலும் அத்வானி பேசுகிறார் என்று பா.ஜ.க. தரப்பில்தெரிவிக்கப்பட்டுள்ளது.