தமிழகத்தில் பெரியார் பிறந்தநாள் விழா

சென்னை:

தமிழகம் முழுவதும் தந்தை பெரியாரின் 122 வது பிறந்தநாள் விழா ஞாயிற்றுக்கிழமை கொண்டாடப்படுகிறது.

இதையொட்டி அனைத்து கட்சிகள் சார்பிலும் பெரியார் சிலைக்கு மாலை அணிவிக்கப்பட்டது.

சென்னை அண்ணாசாலையில் உள்ள மே தின பூங்கா அருகில் உள்ள பெரியார் சிலைக்கு ஞாயிற்றுக்கிழமை காலை 8 மணிக்கு முதல்வர் கருணாநிதியும், மேயர்ஸ்டாலினும் மாலை அணிவித்தார்கள்.

அதிமுக பொதுச்செயலாளர் ஜெயலலிதா அண்ணா மேம்பாலத்திற்கு கீழ் உள்ள பெரியார் சிலைக்கு காலை 9 மணிக்கு மாலை அணிவித்தார்.

த.மா.கா. தலைவர் மூப்பனார், சிம்சன் அருகேயுள்ள பெரியார் சிலைக்கு காலை 10.00 மணிக்கும், காலை 9.00 மணிக்கு தமிழ்நாடு காங்கிரஸ் கமிட்டிதலைவர் ஈ.வி.கே.எஸ்.இளங்கோவனும் மாலை அணிவித்தார்கள்.

தமிழகம் முழுவதும் ஆங்காங்கே பெரியாரின் பிறந்தநாள் விழா நடைபெறுகிறது.