ஆண்கள் 100 மீட்டர் ஓட்டம்: தங்கம் வென்றார் உலக சாம்பியன் மவுரிஸ் கிரீன்

சிட்னி:

அதலெடிக்ஸ் போட்டியில் ஆண்களுக்கான 100 மீட்டர் ஓட்டத்தில் அமெரிக்காவின்மவுரிஸ் கிரீன் தங்கப் பதக்கம் வென்றார்.

சனிக்கிழமை நடைபெற்ற இறுதிச் சுற்றில் அவர் பந்தைய தூரத்தை 9.87 விநாடிகளில்கடந்து தங்கம் வென்றார்.

இப் போட்டிப் பிரிவில் இவர் உலக சாதனை படைத்துள்ளார். நடப்பு உலகசாதனையாளராகவும் விளங்குகிறார்.

டிரினிடாட் நாட்டின் அடோ போல்டான் 9.99 விநாடிகளில் கடந்து வெள்ளியும்,பார்படோஸின் ஓபாடெலே தாம்சன் 10.04 விநாடிகள் கடந்து வெண்கலமும்வென்றனர்.

இப் போட்டியில் ஒலிம்பிக் சாம்பியனான கனடாவின் டோனாவான் பெய்லி தகுதிச்சுற்றிலேயே தோற்றுப்போனார் என்பது குறிப்பிடத்தக்கது.

மவுரிஸ் கிரீன் 200 மீட்டர் ஓட்டத்திலும் உலக சாதனை படைத்துள்ளார். ஆனால்,சிட்னி ஒலிம்பிக்கில் அவர் இப் பிரிவில் கலந்து கொள்ள தகுதி பெறத் தவறிவிட்டார்.

அடுத்து அவர் அடுத்த வாரம் நடைபெற உள்ள ஆண்களுக்கான 4 x 100 தொடர்ஓட்டத்தில் கலந்து கொள்ள உள்ளார். சிட்னி ஒலிம்பிக்கின் கடைசி போட்டி இதுஎன்பது குறிப்பிடத்தக்கது.