படகுப் போட்டி: 5 தங்கம் வென்று இங்கிலாந்து வீரர் சாதனை

சிட்னி:

படகுப் போட்டியில் 5 தங்கப் பதக்கங்கள் வென்று இங்கிலாந்து வீரர் ஸ்டீவன் ரெட்கிரேவ் சாதனைபடைத்துள்ளார்.

சனிக்கிழமை நடைபெற்ற காக்ஸ்லெஸ் ஃபோர்ஸ் ரேஸில் இங்கிலாந்து அணி தங்கப் பதக்கம் வென்றது.இந்த அணியில் ஸ்டீவன் ரெட்கிரேவும் ஒரு வீரராகக் கலந்து கொண்டார்.

1984-ம் ஆண்டு முதல் ஒலிம்பிக் போட்டிகளில் கலந்து கொண்டுவரும் ஸ்டீவன் ரெட்கிரேவ் படகுப்போட்டியில் பல்வேறு பிரிவுகளில் இதுவரை 5 தங்கப் பதக்கங்களை வென்றுள்ளார்.

ஒலிம்பிக் வரலாற்றில் படகுப் போட்டியில் ஒரு வீரர் 5 தங்கப் பதக்கங்கள் வென்றது இதுவேமுதன்முறை என்பது குறிப்பிடத்தக்கது.

சனிக்கிழமை நடைபெற்ற போட்டியில் இத்தாலி வெள்ளிப் பதக்கமும், ஆஸ்திரேலியா வெண்கலப்பதக்கமும் வென்றன.

யு.என்.ஐ.