நீச்சல்: கடைசி நாளில் மேலும் இரு உலக சாதனைகள் படைப்பு

சிட்னி:

சிட்னி ஒலிம்பிக்கில் 8 நாட்களாக நடைபெற்ற நீச்சல் போட்டிகள் சனிக்கிழமைமுடிவடைந்தன.

கடைசி நாளன்று 4 போட்டிகள் நடைபெற்றன. ஆண்கள் மற்றும் பெண்களுக்கான 4 x100 மீட்டர் மெட்லி, பெண்கள் 50 மீட்டர் மற்றும் ஆண்களுக்கான 1500 மீட்டர்பிரீஸ்டைல் ஆகிய போட்டிகள் நடைபெற்றன

இதில் ஆண்கள்,பெண்களுக்கான 4 x 100 மீட்டர் மெட்லி போட்டியில் அமெரிக்கஅணி தங்கப் பதக்கத்தை வென்றது. இரண்டிலும் புதிய உலக சாதனைகள்படைக்கப்பட்டன.

ஆண்களுக்கான போட்டியில் அமெரிக்க அணி பந்தைய தூரத்தை 3 நிமிடம் 33.73விநாடிகளில் கடந்து சாதனை படைத்தது. இரண்டாவது இடத்தை ஆஸ்திரேலியாவும்,3-வது இடத்தை ஜெர்மனியும் பிடித்தன.

பெண்களுக்கான போட்டியில் அமெரிக்க அணி பந்தைய தூரத்தை 3 நிமிடம் 58.30விநாடிகளில் கடந்து சாதனை படைத்தது. இரண்டாவது இடத்தை ஆஸ்திரேலியாவும்,3-வது இடத்தை ஜப்பானும் பிடித்தன.

ஆண்களுக்கான 1500 மீட்டர் பிரீஸ்டைல் பிரிவில் ஆஸ்திரேலியாவின் கிரான்ட்ஹாக்கெட் பந்தைய தூரத்தை 14 நிமிடம் 48.33 விநாடிகள் நீந்திக் கடந்து தங்கப்பதக்கம் வென்றார்.

இரண்டாவது இடத்தை ஆஸ்திரேலியாவின் கீரென் பெர்கின்ஸும், 3-வது இடத்தைஅமெரிக்காவின் கிறிஸ் தாம்சனும் பெற்றனர்.

பெண்களுக்கான 50 மீட்டர் பிரீஸ்டைல் பிரிவில் ஹாலந்தின் இன்ஜி டி புருஜின்பந்தைய தூரத்தை 24.32 விநாடிகளில் நீந்திக் கடந்து தங்கம் வென்றார்.

இரண்டாவது இடத்தை ஸ்வீடனின் தெரசே அல்ஷாம்மரும், 3-ம் இடத்தைஅமெரிக்காவின் டாரா டோரெஸும் பிடித்தனர்.