கண்டி துப்பாக்கிச் சூடு குறித்து விசாரிக்க ஐரோப்பிய யூனியன் முடிவுபு

கொழும்பு:

இலங்கையில் தேர்தல் பிரச்சாரத்தையொட்டி ஏற்படும் வன்முறைச் சம்பவங்கள் குறித்து ஐரோப்பிய யூனியன் பார்வையாளர்கள் விசாரித்து அறிக்கைசமர்பிப்பார்கள்.

இது தொடர்பாக ஐரோப்பிய யூனியன் பார்வையாளர்கள் குழு தலைவர் ஜான் கஷானாஹான் வெளியிட்ட அறிக்கை:

இலங்கை நாடாளுமன்றத்துக்கு வரும் அக்டோபர் 10 ம் தேதி பொதுத்தேர்தல் அறிவிக்கப்பட்டுள்ளது. மக்கள் கூட்டணி, ஐக்கிய தேசியக் கட்சி,இலங்கை முஸ்லீம் காங்கிரஸ் மற்றும் தமிழர் கட்சிகள் தேர்தல் பிரச்சாரத்தில் ஈடுபட்டு வருகின்றன.

தலைநகர் கொழும்பில் அனல் பறக்கும் தேர்தல் பிரச்சாரம் நடந்து வருகிறது. மறுபக்கம், தேர்தல் வன்முறைகளும் ஆங்காங்கே நடந்து வருகிறது.இதில் பலர் பாதிக்கப்பட்டுள்ளனர். கண்டியில் தூப்பாக்கிச் சூடு நடந்துள்ளது. இது குறித்து நாங்கள் ஆராய்ந்து வருகிறோம்.

இதை விசாரிப்பதற்காக கண்டி மாவட்ட மலைப்பகுதியில் தங்கியுள்ளோம். கண்டியில் நடந்த கலவரம் குறித்து ஆராய முதலில் பாதிக்கப்பட்டவர்கள்மற்றும் போலீஸாரிடம் தகவல்கள் சேகரித்து வருகிறோம்.

இது குறித்துப் போலீஸார் எங்களிடம் கூறுகையில், கண்டி மாவட்டத்தில் ஐக்கிய தேசியக் கட்சியினர் தேர்தலை முன்னிட்டு ஊர்வலம் நடத்தினார்கள்.அப்போது அவர்களது வாகனங்களை, ஆளும் கட்சியான மக்கள் கூட்டணித் தொண்டர்கள் தாக்குதல் நடத்தினார்கள். அங்கு துப்பாக்கிச் சூடும் நடந்துள்ளது.

அங்கு போலீஸார் சென்றவுடன், பாதிக்கப்பட்ட ஐக்கிய தேசிய கட்சி தொண்டர்கள் பக்கத்திலுள்ள ஐ.ஜி.அலுவலகத்தை முற்றுகையிட்டு இச்சம்பவம்குறித்து உடனடியாக நடவடிக்கை எடுக்குமாறு கூறினார்கள் என்று போலீஸார் தெரிவித்தனர் என்றார்.

இதுகுறித்து ஐரோப்பிய யூனியன் குழு செய்தித் தொடர்பாளர் பீட்டர் கிராஸ் கூறுகையில், மக்கள் கூட்டணித் தொண்டர்கள் மற்றும் ஐக்கிய தேசியக் கட்சித்தொண்டர்களிடையே கலவரம் ஏற்பட்டது உண்மைதான். ஆனால் போலீஸார் இந்தச் சம்பவங்கள் குறித்து எந்த நடவடிக்கையும் எடுக்கவில்லை.இதுகுறித்து தீர விசாரித்து விரிவான அறிக்கையை, ஐரோப்பிய யூனியன் குழு சமர்ப்பிக்கும் என்றார்.

இதற்கிடையே, தனியார் தேர்தல் பார்வையாளர்கள் வெளியிட்டுள்ள ஒரு அறிக்கையில், தேர்தல் பிரச்சாரம் ஆரம்பித்தது முதல் இதுவரை 500 க்கும்மேற்பட்ட வன்முறைச் சம்பவங்கள் நடந்துள்ளன என்று தெரிவித்துள்ளனர்.

இலங்கைத் தேர்தலை கண்காணிப்பதற்காக ஐரோப்பிய யூனியன் குழுவைச் சேர்ந்த74 தேர்தல் பார்வையாளர்களை நியமிக்கப்பட்டுள்ளனர்.

யு.என்.ஐ.